Sankta meso — 2a Ordinara Dimanĉo, jaro C — 16.01.2022
La Liturgio de la Vorto publikigis antaŭ 3 jaroj en Esperanto Ĉu ne?
Ni ne povas montri ĉi tiun filmeton al vi, ĉar viaj agordoj pri kuketoj ne permesas tion al ni.
Por rigardi kaj re-agordi viajn kuketojn, vizitu la paĝon Kuketoj.
Vi povas daŭre spekti la filmeton ĉe la originala platformo:
Originala paĝo
Spekti filmon ĉe Tubaro ne ŝtelas la spekton de Jutubo. La spekto enkalkuliĝas en ambaŭ Tubaro kaj Jutubo. Mi komprenas.
- 1 Spekto
- Komentu!
- 0
Via ŝato/malŝato, ankaŭ viaj ĝenro-proponoj por ĉi tiu afiŝo estas konservita nur en Tubaro, ili ne estas sendataj ekster niaj serviloj. Simile, la statistikoj pri la afiŝo (spektoj, ŝatoj, komentoj ktp), ankaŭ aliaj atribuoj, ekzemple ĝenroj, venas de Tubaro mem. Ili neniel estas rilataj al tiuj ĉe la originala platformo. Mi komprenas.
Viaj signaloj pri problemoj rilate ĉi tiun afiŝon estos sendataj nur al la administrantoj de Tubaro. Ĉi tiu funkcio neniel estas rilata al ebla simila eco ĉe la originala platformo de la filmo. Por raporti problemon al la administrantoj de la originala platformo, uzu la raportofunkcion ĉe tiu platformo. Mi komprenas.
Priskribo
La registraĵo de la Sankta meso, kiu okazis la 16an de januaro 2022 en la preĝejo de sankta Jozefo, la Laboristo, en Vroclavo. La Meso estis celebrata intence de la forpasinta Edward „Edulo” Wojtakowski — esperantisto, IKUEano kaj membro de la Silezia Esperanto-Asocio.
La Meson celebris dulingve (parte en la pola kaj parte en esperanto) pastro Andrzej Siemiński CM. La sekva Meso intence de nia amiko Edward estos celebrata dimanĉon, la 13an de februaro, je 18:00. La funebra ceremonio okazos sabaton, la 22an de januaro, je 11:00, en la Tombejo Grabiszyński en Vroclavo.
Ripozon eternan donu al li, Sinjoro,
kaj la lumo senfina brilu al li! 🕯
✠ ✠ ✠
Tradicie en Pollando oni kantas la kristnaskajn kantojn (kolendojn) ĝis la 2a de februaro, ĝis la Soleno de la Prezentado de la Sinjoro. Tial fine de la Sankta meso ni kantis „Di’ naskiĝas”, la tradukon de la fama pola kristnaska kanto „Bóg się rodzi”. Jen vi povas aŭskulti ĝin ludatan kaj kantatan de la Ĥoro kaj Orkestro de la Nacia filharmonio en Varsovio:
https://www.youtube.com/watch?v=TmgN1WwzNm4
✠ ✠ ✠
0:00 ‣ Komenco
0:10 ‣ Enira kanto — Adoru 504
2:02 ‣ Krucosigno
2:09 ‣ Saluto
2:14 ‣ Enkondukaj vortoj
13:23 ‣ Pentesprimo
13:38 ‣ Alvokoj al Kristo — Meso 8 OP
14:11 ‣ Glorhimno
16:15 ‣ Kolekto
16:52 ‣ Unua legaĵo — Jes 62
20:10 ‣ Psalmo — Psa 96
22:40 ‣ Dua legaĵo — 1 Kor 12
25:30 ‣ Aklamo — kp. 2 Tes 2
26:21 ‣ Evangelio — Joh 2
28:13 ‣ Homilio
34:08 ‣ Kredokonfeso
36:17 ‣ Universala preĝo
37:47 ‣ Ofera kanto — Adoru kaj kantu, p. 107
39:33 ‣ Ofera preĝo
40:08 ‣ Prefacio
41:01 ‣ „Sankta” himno — Meso 8 OP
41:45 ‣ Epiklezo
42:25 ‣ Konsekro
43:56 ‣ Anamnezo
45:35 ‣ Doksologio
45:51 ‣ Preĝo de la Sinjoro — Adoru 899
47:53 ‣ Pacosigno
48:25 ‣ „Ŝafido de Dio” — Meso 8 OP
49:57 ‣ Komunia kanto — Tero kaj ĉielo kantu 19
52:46 ‣ Laŭdo
55:38 ‣ Postkomunia preĝo
55:57 ‣ Anoncoj
57:10 ‣ Fina rito
57:31 ‣ Fina kanto — Lernado per kantado 44
1:01:11 ‣ Informoj
1:01:17 ‣ Fino
✠ ✠ ✠
Dankon
‣ al UECI, kiu provizis min per la dosieroj de la Meslibro kaj la Legaĵaro laŭ la eldono aprobita por la liturgia uzo,
‣ al la sennoma internetano, kiu konigis en la reto „Mszał rzymski dla diecezji polskich” (La Roman meslibron por la diocezoj de Pollando), de kiu mi tradukis kelkajn preĝojn, kiuj ne troveblas en la esperantlingva meslibro,
‣ al la kantlibroj, el kiuj mi ĉerpis la kantojn por la liturgio: „Adoru”, „Adoru kaj kantu”, „Lernado per kantado” kaj precipe al „Tero kaj ĉielo kantu”, en kiu mi trovis la tradukon de „Pan Jezus już się zbliża” (Jesuo proksimiĝas) fare de la forpasinta Edward Wojtakowski,
‣ al la retejo „Psaume du dimanche”, kie mi trovis tiun ĉi melodion de la responda psalmo 96 fare de Joseph Thirouin,
‣ al Bogdan Dembiec, kiu legis la unuan legaĵon, kaj al Ewelina Tulko, kiu legis la duan legaĵon,
‣ al Wiktor Juc kaj Jan Olczyk de la Ensemblo de malnova muziko „Kamerata Autentik”, kiuj servis muzike dum la Sankta meso.
Komence de la registraĵo vi vidis la pentraĵon „La miraklo en Kanao” (1887) fare de Владимир Егорович Маковский (Vladimir Jegoroviĉ Makovskij, 1846–1920).
