Privateco

Ĉi tiu paĝo enhavas resumon pri kiel ni traktas vian privatecon en Tubaro. Por legi nian plenan privatecan politikon, bonvolu viziti la paĝon aperu.net/privateca-politiko.

Kiajn personajn datumojn Tubaro kolektas pri mi?

Mallonga respondo: Nenion identigan 🙂

Longa respondo:

Por malhelpi misuzon pri komentado, voĉdonado kaj raportado, ni konservas neidentigan ŝnuron (nomata “haketaĵo”) da literoj kaj numeroj kreate laŭ la IP-adreso kaj ecoj de la retumilo de ĉiu uzanto, kiam ri ŝatas, malŝatas aŭ raportas filmon, aŭ kiam ri afiŝas komenton ĉe la paĝo de iu fimlo.

Neniel ni kolektas IP-adresojn aŭ datumojn pri retumiloj en legebla, retrovebla aŭ identiga maniero.

Pri kio mi devas esti atenta?

1. Komentoj

Kiam vi enigas vian nomon/kromnomon kaj mesaĝon en la komento-formularon, bonvolu ne enigi personajn informojn. Se vi faras tion, viaj sennomaj datumoj eble fariĝos identigeblaj.

Ni permesas libere skribi kromnomon por pli oportuna komentado/respondado. Tiu kromnomo estas libere elektebla por ĉiu komento. Estu honesta kaj ne respondu al vi mem per alia kromnomo 😉

2. Kuketoj de eksteraj servoj

Ni uzas servojn de eksteraj organizaĵoj, ekzemple Youtube, por havigi enhavon al uzantoj. Kelkaj el tiuj servoj eble konservas kuketojn en vian aparaton. Tio funkcias same kiel vi uzus tiun servon rekte ĉe ties paĝaro. Ni neniel uzas datumojn el tiuj kuketoj.