Lernejoj instruos sociretan prudenton

Radio Verda publikigis antaŭ 3 monatoj

02:02 esperanta

La statistikoj pri la afiŝo (spektoj, ŝatoj, komentoj) venas de Tubaro mem. Ili neniel estas rilataj al tiuj de la originala platformo.

Via ŝato/malŝato por ĉi tiu afiŝo estas konservita nur en Tubaro. Ĝi neniel estas sendata al la originala platformo.

Raporti la filmon

Priskribo

RV170 (2010.08.16)

Lernejoj instruos sociretan prudenton

Interretaj firmaoj kiaj Facebook kaj Google kritikiĝadas en Germanio. Tie la registaro havas zorgojn pri la uzado de datumoj de uzantoj. Nun unu subŝtato, maltrankvila pri la kvanto da informoj malkaŝataj de junuloj en la reto, planas instrui al studantoj kiel retumi pli diskrete.

Multaj el la du milionoj da Facebook-anoj en Germanio estas junuloj. Multaj senhezite afiŝus fotojn de si kaj siaj amikoj pri nuda banado aŭ festaj diboĉoj. Bedaŭrinde, senĝene dividi personajn infomojn havas riskojn. Ankaŭ dungistoj ja scipovas uzi retajn sociilojn.

Nun la registaro de la federacia landero Nordrejn-Vestfalio rekonas ke junuloj ne ĉiam konscias pri la danĝeroj de malkaŝado de personaj informoj en la interreto. Ĝi planas instrui al studantoj kiel sekure retumi kaj kiel trakti retejojn kiaj Facebook kaj Twitter.

La celo estas komprenigi ke la reto ofertas ne nur pozitivajn ŝancojn, sed ankaŭ havas riskojn. Studantoj komprenu tiujn riskojn por gardi aŭtonomecon en la cifereca medio.

Multaj junuloj ne konscias pri la kvanto da personaj detaloj kiujn ili malkaŝas en la reto. Infanoj devas scii ke eventualaj dungontoj kaj amikoj povas sekvi ciferecaj spurojn, kaj tio povus negative influi iliajn profesiajn kaj privatajn vivojn.

Cetere, junuloj lernos esti kritikemaj kiam ili spektas aktualaĵojn. Multaj simple kredas informojn televidajn aŭ interretajn sen pensi pri ili.

Respondu

  • Via komento publikiĝos tuje, senkontrole. Bonvolu ne enmeti personajn informojn.
  • Malrespektaj aŭ insultaj komentoj povas esti forigitaj aŭ redaktitaj de administrantoj.
  • Komentoj afiŝataj ĉi tie venas nur de Tubaro kaj estas konservataj nur en Tubaro. Ili estas neniel sendataj al, aŭ ricevataj de la originala platformo de la filmo.

nubojfiŝojelefantojkrokodiloj