Liturgiero — Ho Lumo de la Eklezio (O lumen Ecclesiæ) — Antifono al sankta Dominiko
La Liturgio de la Vorto publikigis antaŭ 3 jaroj en Esperanto Ĉu ne?
Ni ne povas montri ĉi tiun filmeton al vi, ĉar viaj agordoj pri kuketoj ne permesas tion al ni.
Por rigardi kaj re-agordi viajn kuketojn, vizitu la paĝon Kuketoj.
Vi povas daŭre spekti la filmeton ĉe la originala platformo:
Originala paĝo
Spekti filmon ĉe Tubaro ne ŝtelas la spekton de Jutubo. La spekto enkalkuliĝas en ambaŭ Tubaro kaj Jutubo. Mi komprenas.
- 2 Spektoj
- Komentu!
- 1
Via ŝato/malŝato, ankaŭ viaj ĝenro-proponoj por ĉi tiu afiŝo estas konservita nur en Tubaro, ili ne estas sendataj ekster niaj serviloj. Simile, la statistikoj pri la afiŝo (spektoj, ŝatoj, komentoj ktp), ankaŭ aliaj atribuoj, ekzemple ĝenroj, venas de Tubaro mem. Ili neniel estas rilataj al tiuj ĉe la originala platformo. Mi komprenas.
Viaj signaloj pri problemoj rilate ĉi tiun afiŝon estos sendataj nur al la administrantoj de Tubaro. Ĉi tiu funkcio neniel estas rilata al ebla simila eco ĉe la originala platformo de la filmo. Por raporti problemon al la administrantoj de la originala platformo, uzu la raportofunkcion ĉe tiu platformo. Mi komprenas.
Priskribo
Tradicia dominikana ĉanto pri sankta Dominiko „Ho Lumo de la Eklezio” (O lumen Ecclesiæ) en esperanto, uzata kiel la antifono por la Laŭdkanto de Maria okaze de la Soleno de sankta Dominiko. Ekde la 14a jarcento ĝi estis tradicie kantata de dominikanoj ĉiutage fine de kompletorio.
La versio en esperanto estis pretigita de mi por la Sankta meso en esperanto, celebrita inaŭgure de la 23a Ekumena Esperanto-Kongreso en Legnico. Ĝi okazis la 8an de aŭgusto 2021 — en la tago de la memorigo de sankta Dominiko, en la jubilea 800a jaro ekde lia morto.
✠ ✠ ✠
Vi povas spekti la Sanktan meson, post kiu ni preĝis per tiu ĉi antifono. Sekvu la ligilon:
https://www.youtube.com/watch?v=r_mK7YIU3ww
✠ ✠ ✠
Dankon
‣ al pastro Roman Gmyrek, landa animzorganto de esperantistoj, kiu permesis, ke post la Sankta meso ni preĝu per ĉi tiu antifono,
‣ al Piotr Dogoński kaj Stanisław Niedźwiedź, kiuj helpis al mi pri la teĥnika flanko de la registraĵo,
‣ al la dominikana preĝejo de s-ta Adalberto en Vroclavo, kiu jam antaŭ pluraj jaroj fariĝis mia eklezia hejmo, ebligante al mi kreski tie spirite, liturgie kaj muzike.
Kiel la artaĵon por tiu ĉi liturgiero mi elektis la lignopentraĵon „Sankta Dominiko ĉe tablo kun siaj fratoj” (ĉ. 1240) de nekonata aŭtoro. Ĝi estas la unua portreto de sankta Dominiko, pentrita verŝajne post lia sanktproklamo en 1233, kaj prezentas la sanktulon sidantan meze de la tablo kun siaj 48 kunordenanoj dum manĝo. Laŭ la tradicio, la tabuloj, sur kiu la pentraĵo estis farita, estas tiuj de la tablo el la refektorio de la dominikana monaĥejo en Bolonjo, ĉe kiu sankta Dominiko manĝis dum sia vivo, kaj do la sama, ĉe kiu okazis la miraklo de la multobligo de panoj.
La pentraĵo, kiu troviĝas en la preĝejo de la Puriĝo de sankta Maria, ĉe la strato de Maskoj (via Mascarella) en Bolonjo, en Italujo, servis kiel la inspiro por la temo de la jubilea jaro 2021, kiu estas „Ĉe tablo kun sankta Dominiko”. Eksciu pli pri la okazaĵoj kadre de la jubileo: https://dominicus800.op.org/
