Miguel Fernández – Mia nepeto Víctor

Suso Moinhos publikigis antaŭ 6 monatoj

02:47 esperanta

La statistikoj pri la afiŝo (spektoj, ŝatoj, komentoj) venas de Tubaro mem. Ili neniel estas rilataj al tiuj de la originala platformo.

Via ŝato/malŝato por ĉi tiu afiŝo estas konservita nur en Tubaro. Ĝi neniel estas sendata al la originala platformo.

Raporti la filmon

Priskribo

Miguel Fernández deklamas sian poemon Mia nepeto Víctor (el Rev-ene, Eldona Fako Kooperativa de SAT, Parizo, 2018). Zamenhof-tago, kooperativo UNICEPE, Oporto, Portugalio, 15.12.2019.

MIA NEPETO VÍCTOR

La 31an de decembro 2017, en lia 4-jariĝo

Plej aminda buŝeto anhela kiel sonĝo,
eksunis vi ĝojdona, malkvieta,
kiam jam la ĉielon miavivan
prilumis la komenco de la lasta lun-arko.
Kaj mia mondo re sin inaŭguris
ĉe via plor’ unua aŭ vivkrio.

(Ho, vivkrioj ŝprucantaj
post ol du buŝoj aŭ pasioj sinkas
unu al la alia
gravitforte, neprege, plezurpleje!)

Lum-vatita korpeto,
mi ĉiam vin imagis
duone tero kaj duone kisoj.
Tute prave!
Ili – feliĉe! – tempopase naskis
kultivindajn ribelon kaj teneron.

Korpeto el hidrargo en konstanta moviĝo
neebla por regato de la lasta lun-arko.
Neebla ĉe duopaj longaj kvarpiedumoj
sekvataj de subitaj stariĝoj, kuroj, saltoj…

Avĉjaj ostoj preferas la fabelojn…

Ŝvita korpeto sur krurparo sidas
kun la okuloj larĝe malfermitaj
kaj la penso fluganta en mirlandojn,
kiujn la voĉo de la avo pentras.

Alabastraj manetoj karesas miajn vangojn,
ekfrapas klavojn de ludil-piano,
pinĉas kordojn de blua ukulelo
– plezure, ritme, ofte –,
aplaŭdas en partero,
entuziasme,
en la momento ĝusta,
kune kun la publiko,
post kiam mi oper-arion kantas…

Scintilaj okuletoj kaj okuloj!

Víctor ŝatas fabelojn kaj muzikon!

Ho, nepo miakora, enkarniĝinta sonĝo
ema al belo, ribelo kaj tenero,
ema do iĝi ido de libero!

Respondu

  • Via komento publikiĝos tuje, senkontrole. Bonvolu ne enmeti personajn informojn.
  • Malrespektaj aŭ insultaj komentoj povas esti forigitaj aŭ redaktitaj de administrantoj.
  • Komentoj afiŝataj ĉi tie venas nur de Tubaro kaj estas konservataj nur en Tubaro. Ili estas neniel sendataj al, aŭ ricevataj de la originala platformo de la filmo.

dutrikvarkvin