La elfoj kaj la ŝufaristo: Learn Esperanto with subtitles – Story for Children “BookBox.com”

Priskribo

► Buy the book in English on Amazon(US): Paperback and Kindle:https://amzn.to/2QR6F2X Amazon(India): Paperback: https://amzn.to/2QqZLxw
______________________________________________________________________________
A poor cobbler and his wife worked very hard but could never earn enough to live comfortably. Watch how two little elves come to their rescue.

La elfoj kaj la ŝufaristo
adaptita de Bukboks
Kvankam Petro Ŝufaristo
estis tre laborema kaj tre afabla
kun ĉiuj en la vilaĝo,
li ne sukcesis perlabori
sufiĉe da mono farante ŝuojn.
Dum iu malvarma kaj neĝa tago
restis al li en la butiko
sufiĉe da ledo nur
por unu paro da ŝuoj.
Je tiu vespero,
Petro atente tondis la valoran ledon
kaj lasis ĝin tie por
matene kunkudri.
Tuj post kiam la suno leviĝis
la sekvantan matenon
Petro pretis por komenci labori,
sed kun granda surprizo
li rimarkis tre lerte kaj bele faritan
paron da ŝuoj sur sia labortablo.
“Tio estas magia!”
diris lia edzino Cecilia
dum ili rapide metis la ŝuojn
en la montrofenestron ĉar la aĉetado
por la festsezono ĵus komenciĝis.
Bonŝance la ŝuoj perfekte taŭgis
por la postulema Sinjorino Snigins
kaj ŝi pagis
ne tro malaltan sumon por ili.
Per la mono
Petro povis aĉeti pli da ledo,
sufiĉe por du paroj da ŝuoj!
Vespere li ree eklaboris
kaj tondis la ledon
kaj lasis la ledpecojn sur la tablo
kiam li enlitiĝis.
Esperante fari belajn ŝuojn,
li endormiĝis sonĝante pri ŝuoj.
Kiam li vekiĝis frue
la postan matenon
li ree vidis du lerte faritajn parojn.
Ankaŭ ili estis rapide aĉetitaj
ĉar ili estis majstre preparitaj.
Nun Petro povis aĉeti
sufiĉe da ledo por kvar paroj.
La magio plu daŭris
dum iom da tempo
kaj Ŝufaristo fariĝis
bone konata nomo
por la plej altkvalitaj ŝuoj en la urbo!
La vivo de Petro kaj Cecilia
fariĝis multe pli facila.
Iun tagon Cecilia diris:
“Mi scivolemas
kiu tiom diligente helpis nin?”
Petro eldiris, “Ĉi vespere
ni kaŝos nin en la butiko
kaj rigardos tion kio okazos tie!
Dirite, farite!
Precize je noktomezo
du etaj elfoj envenis
sur la piedpintoj kaj eklaboris,
farante rapide la belegajn ŝuojn!
Ili surhavis eluzitajn vestaĵojn
kaj ili mem tute ne havis ŝuojn.
Antaŭ la sunleviĝo ili jam estis for
lasante plurajn parojn da ŝuoj
pretaj por esti vendataj dum la tago.
Petro kaj Cecilia estis tre dankemaj
al tiuj etaj elfoj kaj zorgis pri ili
ĉar ili laboris tiom multe
en tia malvarma vetero.
Do Petro decidis fari
du etajn parojn da ŝuoj
kaj Cecilia kudris varmajn vestaĵojn
por ili ambaŭ.
La vesperon antaŭ Kristnasko
anstataŭ ol lasi pecojn da ledo,
ili lasis la etajn ŝuojn kaj vestaĵojn
kaj ree kaŝis sin.
Je noktomezo la elfoj alvenis
kaj vidis la novajn vestaĵojn.
Fulmerapide ili surmetis ilin
sur siajn etajn korpojn!
Ili estis tiom feliĉaj ke ili ridis
kaj ridis kaj dancis el la fenestro
kaj malaperis por ĉiam.
Petro daŭrigis fari ŝuojn ĉiun tagon
kaj li kaj Cecilia havis tre feliĉan
kaj kontentigan vivon.
Ankaŭ la elfoj feliĉis!

Story: Retold by BookBox
Illustrations: Charudutta Prabhu Desai
Animation: BookBox
Music & Art Director: Holger Jetter
Translation: Nicole Else
Narration: Jonathan Cooper

FREE Apps for iPads & iPhones: http://www.bookbox.com/ios
FREE Apps for Android phones & tablets: http://www.bookbox.com/android
Many more stories, languages & multiple subtitle options: http://www.bookbox.com