Trajnkondukistoj demetas pantalonojn

Radio Verda publikigis antaŭ 2 monatoj

01:46 esperanta

La statistikoj pri la afiŝo (spektoj, ŝatoj, komentoj) venas de Tubaro mem. Ili neniel estas rilataj al tiuj de la originala platformo.

Via ŝato/malŝato por ĉi tiu afiŝo estas konservita nur en Tubaro. Ĝi neniel estas sendata al la originala platformo.

Raporti la filmon

Priskribo

RV200 (2013.07.25)

Trajnkondukistoj demetas pantalonojn

La pasintan monaton altaj temperaturoj faris rekordojn en Svedio. La varmo en vagonoj sen klimatiziloj en trajnoj de Stokholmo atingis 35 gradojn. Viraj kondukistoj varmegis en longaj pantalonoj. La vestreguloj de ilia firmao malpermesas mallongajn pantalonojn, kvankam trajnistinoj rajtas porti jupojn.

Do ĉirkaŭ 15 kondukistoj kaj aliaj viraj laborantoj komencis porti jupojn.

Oni diras ke temas pri tipe sveda protesto. Svedoj emas malpezigi situacion kiu povus kaŭzi konfrontojn aliloke. La trajnistoj sciis ke ilia ago allogus la atenton de la amaskomunikiloj, kaj ke tio montrus al ĉiuj ke la firmao ne plene trapensis la aferon.

La firmao, Arriva, ĵus ŝanĝis siajn vestoregulojn. Oni atentis la proteston de la laborantoj kaj decidis oferti mallongajn pantalonojn al ĉiuj dungitoj. La firmao havas 4400 laborantojn kiuj funkciigas pli ol 1100 trajnojn, busojn kaj tramojn en la regiono Stokholmo.

Eble surprizas ke Arriva efektive ne kontraŭis ke viroj portu jupojn. Laŭ la fama sveda sinteno pri egaleco, ne estas problemo se viro portas jupon, same ke senproblemas se virino portas pantalonon.

Depost la protesto, temperaturoj falis, kaj oni raportas ke la viroj ne plu portas jupojn.

Sed ili povus.

Respondu

  • Via komento publikiĝos tuje, senkontrole. Bonvolu ne enmeti personajn informojn.
  • Malrespektaj aŭ insultaj komentoj povas esti forigitaj aŭ redaktitaj de administrantoj.
  • Komentoj afiŝataj ĉi tie venas nur de Tubaro kaj estas konservataj nur en Tubaro. Ili estas neniel sendataj al, aŭ ricevataj de la originala platformo de la filmo.

AŭtoAviadiloŜipoTrajno