La Liturgio de la Vorto — Paska lundo — 5.04.2021

La Liturgio de la Vorto publikigis antaŭ 2 monatoj

27:13 esperanta

La statistikoj pri la afiŝo (spektoj, ŝatoj, komentoj) venas de Tubaro mem. Ili neniel estas rilataj al tiuj de la originala platformo.

Via ŝato/malŝato por ĉi tiu afiŝo estas konservita nur en Tubaro. Ĝi neniel estas sendata al la originala platformo.

Raporti la filmon

Priskribo

Diservo de la Liturgio de la Vorto, kiu okazis la 5an de aprilo 2021, je 13:00 UTC, kadre de la aranĝo „Retoso”, organizita de la Tutmonda Esperantista Junulara Organizo. Celebris ĝin pastro Hans Becklin (luterano de Usono) kun helpo de Miĥaelo R. Balicki (romkatoliko de Pollando).

La reta diservo estis tujelsendata por la partoprenantoj de „Retoso”. La registraĵo estis arĥivita laŭ la afabla permeso de la organizantoj.

✠ ✠ ✠

Dum la liturgio ni kantis la himnon „La tago releviĝa” (Adoru 327). Ĝi estas traduko de la anglalingva kanto „The Day of Resurrection”, kies teksto mem estas traduko de la unua odo de la bizanca paska himno „Αναστάσεως ημέρα” (Anastáseōs ēméra), komponita de sankta Johano de Damasko. Se vi volas aŭskulti la tutan grekan originon, jen estas la registraĵo de pastro Γεώργιος Στάμος (Geṓrgios Stámos), ĉefpresbitero en la Metropolo de Tesaliotido, Fanario kaj Farsalo de la ortodoksa Eklezio en Grekujo:

https://www.youtube.com/watch?v=TZ-f1h6TiEE

✠ ✠ ✠

0:00 ‣ Komenco
0:08 ‣ Komenca emblemo
0:17 ‣ Enira antifono
0:30 ‣ Krucosigno
0:38 ‣ Saluto
0:48 ‣ Komenca preĝo
1:18 ‣ Unua legaĵo — Ago 2
4:07 ‣ Psalmo — Psa 16
6:50 ‣ Aklamo — Psa 118
7:32 ‣ Evangelio — Mat 28
9:48 ‣ Homilio
20:10 ‣ Kanto
21:53 ‣ Universala preĝo
23:53 ‣ Preĝo de la Sinjoro
25:45 ‣ Resuma preĝo
26:24 ‣ Beno
26:36 ‣ Elsendo
26:46 ‣ Fina emblemo
26:55 ‣ Informoj
27:01 ‣ Fino

✠ ✠ ✠

Dankon
‣ al pastro Hans Becklin pro la ideo okazigi la retan diservon kaj pro la gvidado de la liturgio,
‣ al Dorota Rodzianko, kiu estis la teĥnikisto dum la diservo,
‣ al ĉiuj partoprenintoj de „Retoso”, kiuj ĉeestis la celebradon,
‣ al UECI, kiu provizis min per la dosiero de la Legaĵaro laŭ la eldono aprobita por la liturgia uzo,
‣ al la ekumena diserva libro „Adoru”, en kiu troviĝas la esperanta traduko de la kanto „La tago releviĝa” (327) fare de Clarence Bicknell,
‣ al la liturgia kantolibro „Niepojęta Trójco”, de kie mi prenis la melodion de la psalmo (vol. 2, mel. A) laŭ la aranĝo de Henryk Krawczyk,
‣ al la Komunumo de Taizé, kies melodion de „Alleluia 11”, komponitan de Jacques Berthier, mi uzis por la aklamo.

La komenca pentraĵo por la liturgio estis „Jesuo montriĝas al la sanktaj virinoj” (1886–1894) fare de James Tissot (1836–1902). La artaĵo videbla dum la homilio estis „La Ŝafido de Dio” — pentraĵo sur ligno, kies aŭtoron kaj devenon mi ne konas. Ĉe la informoj fine de la registraĵo aperis la vitropentraĵo de la releviĝinta Kristo el la Katedralo de sanktaj Petro kaj Paŭlo, en la Petropaŭla fortikaĵo en Peterburgo.

Respondu

  • Via komento publikiĝos tuje, senkontrole. Bonvolu ne enmeti personajn informojn.
  • Malrespektaj aŭ insultaj komentoj povas esti forigitaj aŭ redaktitaj de administrantoj.
  • Komentoj afiŝataj ĉi tie venas nur de Tubaro kaj estas konservataj nur en Tubaro. Ili estas neniel sendataj al, aŭ ricevataj de la originala platformo de la filmo.

meblodomobestonubo