Petra en la Babelturo

Radio Verda publikigis antaŭ 6 monatoj

03:42 esperanta

La statistikoj pri la afiŝo (spektoj, ŝatoj, komentoj) venas de Tubaro mem. Ili neniel estas rilataj al tiuj de la originala platformo.

Via ŝato/malŝato por ĉi tiu afiŝo estas konservita nur en Tubaro. Ĝi neniel estas sendata al la originala platformo.

Raporti la filmon

Priskribo

RV182 (2011.06.23)

Petra en la Babelturo

edukado.net informas ke juna hungara instruistino Petra Smidéliusz kolektas grandajn sukcesojn en la argentina ĉefurbo Bonaero.

La titolon “Monda Ĉefurbo de Libro 2011” rice­vis de Unesko la argentina ĉefurbo. Tial ĝia jam kutime vigla kultura vivo des pli brilas nun per aldonaj eventoj. Unu el ili aparte allogis vizitantojn: libra Babelturo. Ĝin kreis la ekscen­tra skulptistino Marta Minujín, kiu iam inventis “rompendajn skulptaĵojn” kaj rekonstruis en Novjorko hamburgeran Liberec­statuon. Ĉi­okaze ŝi decidis re­starigi la Babelturon… per libroj. Temas pri 30 000 titoloj el la plej diversaj lingvoj. Ili kovras gigantan strukturon metalan ĉirkaŭ spirala ŝtuparo. Irante supren kaj suben en la instalaĵo, la vizitanto rigardas al miloj da libroj, kiuj pendas en travideblaj plastaj sakoj, kaj ripete aŭdas la vorton “libro” diverslingve, diversvoĉe. La librojn la artistino rice­vis el ĉiuj landoj de la mondo tra iliaj ambasadoj. Esperantujo ne bezonis ambasadejon: Argentina Esperanto­ Ligo transdonis, pere de sia prezidan­tino, Silvia Rottenberg, librojn ankaŭ en la Internacia Lingvo. Ŝi persone enmanigis al la artistino ekzempleron de la pasintjare tie aperinta Esperanto ¿Una cura para las heridas de Babel (Esperanto, ĉu kuraco por la babelaj vundoj?) de Andrés Battig kaj Roberto Sartor. Poste ŝi ripetis la geston kun la kulturministro Hernán Lombardi kaj la guberniestro de la Aŭtonoma Urbo Bonaero, Mauricio Macri.

Tiu ĉi kulturfesta etoso estas pli ol oportuna por la disvastigo de tiel libra lingvo, kia estas Esperanto. Tial Silvian akompanas ĉien instruist­ino Petra Smidéliusz: jen por rapida
Esperanto­kurso, jen por intervjuo en vaste aŭskultata radiostacio. Diplo­mita profesoro pri la hispana kaj ang­la lingvoj en Budapeŝto, Petra nun rondvojaĝas tra Sudameriko. Instru­inte Esperanton diversnivele en Bra­zilo kaj vizitinte ankaŭ Ĉilion, ŝi nun gastas en la lulilo de tango. “Marde mi donis prelegon en mezlernejo por 200 gejunuloj… kiam mi parolis pri Pasporta Servo, multaj ĝojkriegis kvazaŭ ĉe piedpilka matĉo. Multaj ekinteresiĝis kaj volas lerni Esperanton. Mi ankaŭ gvidos tri malfermajn lecionojn ĉe la turo… hodiaŭ mi organizis junularan kunvenon. Sabate mi gvidos kurseton por instruemuloj” —rakontis la juna hungarino en retmesaĝo.

Fine de majo oni malmuntis la turon kaj tiam ĉiu vizitanto rajtis for­porti unu libron. La cetero eniros la trezoron de la unua multlingva biblioteko starigota en Bonaero. La Esperanto­instruistinon oni ne rajtis kunpreni.

Respondu

  • Via komento publikiĝos tuje, senkontrole. Bonvolu ne enmeti personajn informojn.
  • Malrespektaj aŭ insultaj komentoj povas esti forigitaj aŭ redaktitaj de administrantoj.
  • Komentoj afiŝataj ĉi tie venas nur de Tubaro kaj estas konservataj nur en Tubaro. Ili estas neniel sendataj al, aŭ ricevataj de la originala platformo de la filmo.

Unudutrikvar