Saluto en Esperanto de la sveda Ministrino Amanda Lind

UEAviva publikigis antaŭ 7 monatoj

00:54 esperanta

  • 33
  • 13
  • 2

La statistikoj pri la afiŝo (spektoj, ŝatoj, komentoj) venas de Tubaro mem. Ili neniel estas rilataj al tiuj de la originala platformo.

Via ŝato/malŝato por ĉi tiu afiŝo estas konservita nur en Tubaro. Ĝi neniel estas sendata al la originala platformo.

Raporti la filmon

Priskribo

Finiĝis la 104-a Universala Kongreso en Lahtio, Finnlando. Duncan Charters, la prezidanto de UEA por la periodo 2019-2022 gvidis la fermon en memorinda etoso. La Estraro de UEA povis informi pri la planoj por la venonta interkongresa jaro laŭ rekomendoj de la Komitato pri la strategiaj kampoj de Konsciigo, Kapabligo, Komunumo kaj Kunordigo. Premioj kaj agnoskoj estis disdonitaj.

La publiko povis varme aplaŭdi la futbalistojn de la teamo Esperanto, kiu tiel dirite portis al ni “la finnan venkon”, laŭ amuza ŝerco cirkulinta en la kongreso. Infanoj kaj adoleskantoj el la Internacia Infana-adoleskanta Kongreseto (IIK) regalis la ĉeestantojn per komuna kanto, samkiel la duopo Kajto, kiu kantis surbaze de poemo de William Auld.

TEJO per sia prezidantino Ĝojo faris ferman paroladon al la kongresanoj, sekvata de la prezidanto de UEA. La LKK de Lahtio, al kiu ni devas plej kore danki pro ilia gastamo kaj nemezurebla sindediĉo, transdonis la Esperanto-flagon al la LKK de Montrealo, kiu kun granda kuraĝo kaj entuziasmo gastigos la 105-an Universalan Kongreson de Esperanto.

Kongrue kun la kongresa temo “Vivanta naturo, floranta kulturo” kaj kun la urbo Lahtio, elektita verda ĉefurbo de Eŭropo por 2021, la plastajn nomŝildujojn oni kolektis por reuzi en la IJK kaj en la venonta UK.

Speciala parto de tiu fermo temis pri la salutvideo de la sveda Ministrino pri Kulturo, Sportoj, Demokratio kaj Minoritatoj, Amanda Lind, kiu en bonega Esperanto salutis la kongreson, kiel vi mem povas vidi nun. UEA estas plene ĝoja pro tiu semajno, tiel intensa kaj fruktodona, dum kiu cetere ni festis la 132-jariĝon de Esperanto.

Kun granda danko por la urbo Lahtio kaj por la kongresanoj (speciale tiuj, kiuj surloke donacis sian homforton por plene subteni plurajn programerojn), ni povas nun bonvenigi vin en Montrealo, Kanado, certaj pri unu plia bela Universala Kongreso. #lahtio2019 UK 2019 Lahtio

Komentoj (2)

Respondu

  • Via komento publikiĝos tuje, senkontrole. Bonvolu ne enmeti personajn informojn.
  • Malrespektaj aŭ insultaj komentoj povas esti forigitaj aŭ redaktitaj de administrantoj.
  • Komentoj afiŝataj ĉi tie venas nur de Tubaro kaj estas konservataj nur en Tubaro. Ili estas neniel sendataj al, aŭ ricevataj de la originala platformo de la filmo.

kukonoranĝonŝuonteleron