UEA kun Miriad

Jeremie Sabiyumva publikigis antaŭ 5 monatoj

05:42 esperanta

Raporti la filmon

Priskribo

La filmeto parolas pri kiel vaste diskonigi Miriad al esperantistoj tra gazetoj kaj ankaŭ pri kiel uzi la ĉifromonon por aĉeti novajn materialojn, kiujn ni bezonas ĉe www.fasttech.com

Komentoj (12)

  1. Ĉu la utilo de la projekto Miriad vere estas la valuto mem aŭ simple ke iu pretas donaci monon al Afriko per ĝi? Se ri ĉesus donaci ĉu oni daŭre volus propagandi la ĉifromonon?

    • Teorie la ĉefa utilo de la projekto estas la valuto. Havi ian valuton povus preskaŭ fari Esperantujon suverena, kosmopolita ŝtato. Certe multe da tiaj projektoj jam klopodis tamen malsukcesis… https://eo.m.wikipedia.org/wiki/Esperantismo_kaj_mono

      Sed enfine tio dependas de tio, ĉu esperantistoj decidas adopti ĝin aŭ ne. Mi nur faras mian parton en la projekto kiel plej eble mi povas.

      aperu.net/miriado

        • Resume: Ĉar la kotizo por unu transakcio per Bitmono kutimas esti pli ol $1 kaj fojfoje atingas eĉ pli ol $50. La nuntempa generacio de ĉefaj inĝenieroj pri la projekto planis tion kaj varbas por altaj kotizoj ‘por la sekureco kaj daŭripovo de la sistemo’, tamen laŭ mia scio ili neniam publikigis sciencan esploron en revuo pri tiu ekonomika politiko. Ankaŭ, kurioze, la forumoj plej uzataj en la komunumo de Bitcoin estas nun cenzuritaj tiel ke iu ajn komento kritikante la decidojn de la inĝenieroj estas forigata. Multaj en la komunumo protestis kaj disiĝis en novan ĉifromonon nomata Bitcoin Cash.

          Mi pensas ke Esperantistoj havas pli da ŝanco adoptante ĉi tiun etan, malpli konatan ĉifromonon. Ĝi havas pli da ebleco kreski en ĉi tiu merkato dum Bitcoin fendiĝas.

          Ĉiukaze estus stulte imagi ke homoj en Afriko, aŭ ie ajn, pagos $1-$50+ por ĉiu transakcio.

          Tial mi decidis kunlabori en la projekto de Miriado 🙂

    • Oni devas beni la projekton almenaŭ pro unu kialo: ĝi enkondukas la vulgaran vorton “mono” en esperantista vivaranĝo. Estas do IKEF, kiu evidente devas zorgi pri la afero, sed IKEF similas al Federacia Konsilio de Rusio: Ĝi ekzistas, funkcias sed neniel influas realecon.

  2. Miriado iom malkomforte pensigas min pri la antaŭaj kristanaj misiistoj kiuj iris “helpi” homojn en afriko sed nur kondiĉe ke ili konvertiĝu al ilia religio. Miriado simple interŝanĝas unu sekton por alia sed havas la saman subaĉetadon.

        • Mi ne pensas ke mi iam diris tion. Aŭ eble vi miskomprenis la kuntekston. Veras ke ĝis nun, plejparte nur Afrikanoj kaj Venezuelanoj interesiĝis pri Miriado. Mi pensas ke iu en unu lando interesiĝas kaj multe varbas aliajn lokajn esperantistojn. Mi emas sekvi la vojon de plej malmulta rezisto do mi plej komunikas kun kunlaborantoj de landoj kie miriado jam kreskiĝis, sed mi faras nenion specialan por inkludi ilin. Esperantistoj el ĉiuj landoj ĉiam estis bonvenaj en la projekton.

Respondu

Via komento publikiĝos tuje, senkontrole. Bonvolu ne enmeti personajn informojn.

telefonobluaaŭtonubo