La Liturgio de la Vorto — Epifanio de la Sinjoro — 6.01.2021

La Liturgio de la Vorto publikigis antaŭ 10 monatoj

13:39 esperanta

La statistikoj pri la afiŝo (spektoj, ŝatoj, komentoj) venas de Tubaro mem. Ili neniel estas rilataj al tiuj de la originala platformo.

Via ŝato/malŝato por ĉi tiu afiŝo estas konservita nur en Tubaro. Ĝi neniel estas sendata al la originala platformo.

Raporti la filmon

Priskribo

Dum la Soleno de la Epifanio (t.e. ‘Elmontriĝo’) de la Sinjoro ni rememoras la momenton, kiam Saĝuloj el Oriento venis al la Infano Jesuo por adori Lin. Tiu ĉi evangelia sceno memorigas al ni, ke la naskiĝo de Jesuo anoncas ĝojon ne nur al la elektita popolo de la malnova interligo, sed ke la tuta mondo estas vokita en Li rekoni sian Savanton kaj veni por adorkliniĝi al Li.

Laŭ la antikva tradicio de la Eklezio, en la tago de la Epifanio post la Evangelio kantoro anoncas la datojn de Pasko kaj de la moviĝantaj festoj. Kvankam en la nuntempa mondo ni ĉiuj povas facile guglumi por trovi tiujn informojn, mi trovas bela kaj inda kultivi tiun ĉi tradicion. 😉

✠ ✠ ✠

Hodiaŭ vi povas aŭskulti la himnon por la vespro de la Epifanio — „Hostis Herodes, impie”. La unua strofo tekstas jene: „Herodo, kion timas vi, * ho malamik’ de l’ Krist-infan’? * Ne timu, ke l’ ĉiela Reĝ’ * surterajn regnojn prenos for”. La komponaĵon verkis portugala renesanca komponisto, Pedro de Escobar, kaj registris ĝin la ensemblo „Quodlibet”:

https://www.youtube.com/watch?v=d6NycRoaGZc

✠ ✠ ✠

0:00 ‣ Komenco
0:09 ‣ Enira antifono — kp. Mal 3, 1 Kro 19
0:17 ‣ Krucosigno
0:23 ‣ Saluto
0:28 ‣ Komenca preĝo
0:37 ‣ Unua legaĵo — Jes 60
2:02 ‣ Psalmo — Psa 72
4:19 ‣ Dua legaĵo — Efe 3
5:13 ‣ Aklamo — kp. Mat 2
5:56 ‣ Evangelio — Mat 2
8:38 ‣ Silento
9:07 ‣ Anonco de Pasko
11:13 ‣ Preĝo de la Sinjoro
12:58 ‣ Resuma preĝo
13:16 ‣ Beno
13:27 ‣ Fino

✠ ✠ ✠

Dankon
‣ al UECI, kiu provizis min per la dosiero de la Legaĵaro laŭ la eldono aprobita por la liturgia uzo,
‣ al la ekumena diserva libro „Adoru”, en kiu mi trovis plurajn formulojn de liturgiaj preĝoj,
‣ al pastro Albrecht Kronenberger, kies okupado pri la gregoria ĉanto en esperanto konvinkis min pretigi kaj registri la Anoncon de Pasko,
‣ al la dominikana preĝejo de s-ta Adalberto en Vroclavo, kie mi ekkonis la melodion de la responsoria psalmo,
‣ al la liturgia kantolibro „Niepojęta Trójco”, de kie mi prenis la melodion de la aklamo (vol. 1, mel. g de Jacek Gałuszka).

La artaĵo de la hodiaŭa liturgio estas „La Adorkliniĝo de la Saĝuloj” (1423) fare de Gentile da Fabriano (ĉ. 1370 – 1423).

Respondu

  • Via komento publikiĝos tuje, senkontrole. Bonvolu ne enmeti personajn informojn.
  • Malrespektaj aŭ insultaj komentoj povas esti forigitaj aŭ redaktitaj de administrantoj.
  • Komentoj afiŝataj ĉi tie venas nur de Tubaro kaj estas konservataj nur en Tubaro. Ili estas neniel sendataj al, aŭ ricevataj de la originala platformo de la filmo.

dutrikvarkvin