#VK21 Programo Mia Amiko: Faktoj kaj Evoluo (Adonis Saliba)
UEAviva publikigis antaŭ 4 jaroj en Esperanto Ĉu ne?
Neniu ĝenro specifite.
Proponu ĝenrojn
Ni ne povas montri ĉi tiun filmeton al vi, ĉar viaj agordoj pri kuketoj ne permesas tion al ni.
Por rigardi kaj re-agordi viajn kuketojn, vizitu la paĝon Kuketoj.
Vi povas daŭre spekti la filmeton ĉe la originala platformo:
Originala paĝo
Spekti filmon ĉe Tubaro ne ŝtelas la spekton de Jutubo. La spekto enkalkuliĝas en ambaŭ Tubaro kaj Jutubo. Mi komprenas.
- 2 Spektoj
- Komentu!
- 0
Via ŝato/malŝato, ankaŭ viaj ĝenro-proponoj por ĉi tiu afiŝo estas konservita nur en Tubaro, ili ne estas sendataj ekster niaj serviloj. Simile, la statistikoj pri la afiŝo (spektoj, ŝatoj, komentoj ktp), ankaŭ aliaj atribuoj, ekzemple ĝenroj, venas de Tubaro mem. Ili neniel estas rilataj al tiuj ĉe la originala platformo. Mi komprenas.
Viaj signaloj pri problemoj rilate ĉi tiun afiŝon estos sendataj nur al la administrantoj de Tubaro. Ĉi tiu funkcio neniel estas rilata al ebla simila eco ĉe la originala platformo de la filmo. Por raporti problemon al la administrantoj de la originala platformo, uzu la raportofunkcion ĉe tiu platformo. Mi komprenas.
Priskribo
Programo Mia Amiko: Faktoj kaj Evoluo – Esperantismo estis kaj ankoraŭ estas la bazo por pretigi esperantistojn. La kreskiĝo de la movado dum la tuta historia vivo de Esperanto dependis de la pliiĝo de esperantistoj. Grava fakto estas, ke nur esperantistoj fakte kaj praktike instruas Esperanton kaj laboras favore al Esperanto. Surbaze de tiuj principoj, Programo MIA AMIKO (PMA), kiu ekzistas ekde 2011 en sendependa kondiĉo, elvolvas kaj pliigas la esperantistaron ĉefe en Brazilo. Ĝi estas tute virtuala, preskaŭ senkosta, neburokratia kaj efektiva. Ĝi akceptas homojn, kiuj aperas el interreta mondo, ĉefe el la brazilaj retsociaj rondoj, kiuj interesiĝas pri Esperanto. Ni proponas al ili la lernadon de Esperanto, havante la helpon de “esperantista amikaro”. La interesitoj estas nuntempe lokitaj en vacapaj nukleoj, kie ili interagos grupe kun siaj monitoroj, vive kaj mesaĝe. El tiu ekanta amikeco la interesito motiviĝas kaj fariĝas amiko de siaj kolegoj. Oni uzas diversajn retmetodojn, el la disponeblaj rete (lernu, duolingo, kurso de Esperanto de KaPe ktp.) aŭ el adaptitaj instrumaterialoj, kiel tiuj de Sylla Chaves, Stano Marcek aŭ Ferenc Szilágyi. Niaj estontaj esperantistoj estas ankaŭ informataj pri nia movada kulturo, filozofio kaj historio. Laŭ la evoluo de la lernado ni enkondukas ilin en progresigaj grupoj kaj retvivaj eventoj. Programo Mia Amiko multe evoluis lastatempe, portanta al nia virtuala komunumo grandan interagadon, kiu nuntempe eĉ fariĝas internacia, kiel la eventoj de Brazilo kaj Koreio (Brako/Brakumo). El tio ekestas la amikeco en pli larĝa skalo. Tio estas, laŭ nia pensmaniero, la semo por esperantistiĝo kaj fiksigo de la interesitoj en la movado. Ni povas diri, ke Programo Mia Amiko estas kiel la tradiciaj kluboj, sed en virtuala mondo, nedistingante regionojn aŭ lokojn. Ni amplekse starigis virtualan mondklubon de Esperanto, kie oni lernas, interkulturiĝas kaj volontule laboras.
Tiu prezento estis pretigita okaze de la 2-a Virtuala Kongreso de Esperanto (VK), okazinta en julio 2021.
–
Subteni la laboron de UEA eblas per membriĝo: https://uea.org/alighoj/alighilo #Esperanto
