Varsovio cent jarojn poste (1987)
Ni ne povas montri ĉi tiun filmeton al vi, ĉar viaj agordoj pri kuketoj ne permesas tion al ni.
Por rigardi kaj re-agordi viajn kuketojn, vizitu la paĝon Kuketoj.
Vi povas daŭre spekti la filmeton ĉe la originala platformo:
Originala paĝo
Spekti filmon ĉe Tubaro ne ŝtelas la spekton de Jutubo. La spekto enkalkuliĝas en ambaŭ Tubaro kaj Jutubo. Mi komprenas.
- 7 Spektoj
- Komentu!
- 0
Via ŝato/malŝato, ankaŭ viaj ĝenro-proponoj por ĉi tiu afiŝo estas konservita nur en Tubaro, ili ne estas sendataj ekster niaj serviloj. Simile, la statistikoj pri la afiŝo (spektoj, ŝatoj, komentoj ktp), ankaŭ aliaj atribuoj, ekzemple ĝenroj, venas de Tubaro mem. Ili neniel estas rilataj al tiuj ĉe la originala platformo. Mi komprenas.
Viaj signaloj pri problemoj rilate ĉi tiun afiŝon estos sendataj nur al la administrantoj de Tubaro. Ĉi tiu funkcio neniel estas rilata al ebla simila eco ĉe la originala platformo de la filmo. Por raporti problemon al la administrantoj de la originala platformo, uzu la raportofunkcion ĉe tiu platformo. Mi komprenas.
Priskribo
“Varsovio cent jarojn poste” estas filmraporto (61 min.) de Roman Dobrzyński pri la 72-a Universala Kongreso de Esperanto, kiu okazis en Varsovio, Pollando, en 1987. Ĝi okazis en la Jubilea Jaro de Esperanto (1887-1987), 100 jarojn post la eldono de la Unua Libro en Varsovio. La UK okazis de la 25-a de julio ĝis la 1-a de aŭgusto 1987, rekorda: 5946 aliĝintoj el 73 landoj. La kongresejo estis en la prestiĝa kaj giganta “Pałac Kultury i Nauki” (Kultur- kaj Scienc-Palaco) en la urbocentro de Varsovio. La kongresa temo estis “Cent jaroj de internacia kulturo”. La raporto pri la jubilea 72-a UK en Varsovio estas grava dokumento kaj aparte interesa pro la brilaj oratoraĵoj de Humphrey Tonkin, tiama prezidanto kaj nuntempa honora prezidanto de UEA. Roman estis tiam prezidanto de Pola Esperanto-Asocio kaj mem de la Loka Kongresa Komitato kaj strikte kunlaboris kun Humphrey kiel prezidanto de UEA. La preparado de la grandega kongreso en malfacilaj politikaj cirkonstancoj estas fascina historio neniam ĝis nun priskribita. Roman redaktis la filmon unue en la pola lingvo kaj prezentis ĝin en la Pola Televido. Poste okazis la redakton en Esperanto. Post 34 jaroj la voĉtrako de la filmo estas perfekte aŭdebla, sed bildoj iomete paliĝintaj, tamen akcepteblaj. Ĝi principe vendiĝis memstare kiel VHS-PAL. Poste aperis en DVD kune kun la filmo “La centjara Esperanto”: https://katalogo.uea.org/katalogo.php?inf=9071.
UEAviva disponigas ambaŭ filmojn senpage. Per simbola donaco laŭ la valoro de 12.30 € (prezo de la DVD) vi helpas tiun agadon en UEAviva: https://uea.org/alighoj/donacoj/kaso
Ambaŭ filmoj, “Varsovio cent jarojn poste” (1987) kaj “La centjara Esperanto” (1987), de Roman Dobrzyński, kaj la Nacia Vespero de la 88-a Universala Kongreso (UK) de Gotenburgo (2003) konsistigis la inaŭguran kinejon de la 2-a Virtuala Kongreso de Esperanto, en la 16-a de julio 2021. La celo estis ebligi al kongresanoj ekscii (aŭ rememori!), kia estas la etoso de ĉeesta UK. Varsovio gastigis la plej grandan UK-on de la historio kaj Gotenburgo proponis modernan nacian vesperon. Aliaj programeroj de la 2-a VK ankaŭ omaĝis diverse la UK-ojn.
