Pluŝurseto de knabino panjas por bradipido

Radio Verda publikigis antaŭ 11 tagoj

02:05 esperanta

La statistikoj pri la afiŝo (spektoj, ŝatoj, komentoj) venas de Tubaro mem. Ili neniel estas rilataj al tiuj de la originala platformo.

Via ŝato/malŝato por ĉi tiu afiŝo estas konservita nur en Tubaro. Ĝi neniel estas sendata al la originala platformo.

Raporti la filmon

Priskribo

RV194 (2012.10.02)

Pluŝurseto de knabino panjas por bradipido

Du-jara nederlanda knabino helpis savi la vivon de bradipido donacinte sian preferatan pluŝurseton.

Bradipido Ŝaki naskiĝis en bestparko en Arnhem, Nederlando. Preskaŭ tuj poste, li komencis maldikiĝi kaj malfortiĝi. Lia patrino produktis malsufiĉan lakton.

Sed nutri la bradipeton mane ankaŭ malsukcesis. La ido rifuzis preni lakton kiam li ne povis karesi la patrinon.

Prizorgisto Boudewijn Stenbreker klarigas ke bradipidoj bezonas karesi, aparte kiam ili mamnutriĝas. Sen la patrino, Ŝaki ne interesiĝis pri la lakto.

Oni ekhavis la ideon uzi pluŝurseton, sed neniuj el la molaj ludiloj en la bestparka vendejo estis sukcesigaj.

Lia filino, Lieke, ofertis sian pluŝurseton, kaj la bestparkistoj decidis provi ankaŭ ĝin, esperante ke Ŝaki eble preferus la odoron de uzita urseto. Kaj tio funkciis.

Lieke ĝojis. Ŝaki ĉirkaŭbrakis la urseton kvazaŭ ĝi estus la propra patrino, kaj nun li tenas ĝin dum bestparkistoj nutras la idon per kroma lakto kaj likvigitaj legomoj.

La sola malavantaĝo estas ke Lieke verŝajne ne rehavos sian pluŝurseton.

Ŝaki ofte urinas sur la urseton. Kvankam la odoro ŝajne ne ĝenas lin, ĝi verŝajne ne aparte ĉarmus la familion Stenbreker.

La bestparko tamen aĉetis duan similan pluŝurseton. Lieke ricevis kaj prizorgas ĝin, okaze ke venos bezono ankaŭ por ĝi

Kiam ne kun la surogata panjo, Ŝaki estas kun sia vera patrino kiu ankoraŭ prizorgas lin.

Respondu

  • Via komento publikiĝos tuje, senkontrole. Bonvolu ne enmeti personajn informojn.
  • Malrespektaj aŭ insultaj komentoj povas esti forigitaj aŭ redaktitaj de administrantoj.
  • Komentoj afiŝataj ĉi tie venas nur de Tubaro kaj estas konservataj nur en Tubaro. Ili estas neniel sendataj al, aŭ ricevataj de la originala platformo de la filmo.

kapopoŝtelefonokrurojfingroj