Kopenhago movos sed servos vian biciklon

Radio Verda publikigis antaŭ 10 monatoj

02:31 esperanta

La statistikoj pri la afiŝo (spektoj, ŝatoj, komentoj) venas de Tubaro mem. Ili neniel estas rilataj al tiuj de la originala platformo.

Via ŝato/malŝato por ĉi tiu afiŝo estas konservita nur en Tubaro. Ĝi neniel estas sendata al la originala platformo.

Raporti la filmon

Priskribo

RV172 (2010.09.26)

Kopenhago movos sed servos vian biciklon

La urbo Kopenhago bataladas per ĉarmo ekde aprilo. La celo estas ke pli da homoj uzu la bicikloŝlosejojn ĉirkaŭ la metrostacioj anstataŭ lasi ilin ĉie ajn.

Jen la simpla ideo: Se vi lasas vian biciklon kontraŭleĝe, urbistoj movos ĝin al biciklejo. Anstataŭ admoni vin, ili oleos vian ĉenon, plenigos viajn pneŭojn kaj lasos noteton por ĝentile peti ke vi estonte uzu la ŝlosejojn.

Ŝajne brilas la ideo. Des pli ĉar la iniciato efektive funkcias.

Projektestro Poul Erik Kinimond diris ke la celo estas ĉesigi ke homoj lasas siajn biciklojn en lokoj kie ili povus malhelpi la aliron de krizservaj veturiloj se io misokazus ĉe metrostacio. Li helpas dufoje tage movi biciklojn ĉe la plej grandaj stacioj.

Komence de la projekto en aprilo, ili movadis ĉirkaŭ 150 biciklojn tage. Nun tiu numero falis al 30 ĝis 50.

Kinimond rakontas ke estas pli granda sukceso ol atendite. Unue li ne tre fervoris pri la ideo donaci servojn al leĝrompintoj, sed oni volis aliri la problemon tiel ke homoj ne koleriĝus pro la alilokigado de siaj bicikloj.

Sed ĝis nun li ne renkontis eĉ unu kolerulon. Homoj ŝajne eĉ ŝatas la servon.

Li ne opinias ke homoj komencos mislasi biciklojn intence por ricevi senpagajn servojn. La movistoj rekonas la samajn biciklojn kiuj mislokas tagon post tago. Ili ne ricevas oleon aŭ aeron.

La projekto daŭros almenaŭ ĝis januaro.

Respondu

  • Via komento publikiĝos tuje, senkontrole. Bonvolu ne enmeti personajn informojn.
  • Malrespektaj aŭ insultaj komentoj povas esti forigitaj aŭ redaktitaj de administrantoj.
  • Komentoj afiŝataj ĉi tie venas nur de Tubaro kaj estas konservataj nur en Tubaro. Ili estas neniel sendataj al, aŭ ricevataj de la originala platformo de la filmo.

manojokulojpiedojoreloj