Katoj protektas arton en rusa muzeo

Radio Verda publikigis antaŭ 5 monatoj

02:19 esperanta

La statistikoj pri la afiŝo (spektoj, ŝatoj, komentoj) venas de Tubaro mem. Ili neniel estas rilataj al tiuj de la originala platformo.

Via ŝato/malŝato por ĉi tiu afiŝo estas konservita nur en Tubaro. Ĝi neniel estas sendata al la originala platformo.

Raporti la filmon

Priskribo

RV193 (2012.08.19)

Katoj protektas arton en rusa muzeo

La Muzeo Ermitaĵ en Peterburgo, Rusio estas unu el la plej grandaj en la mondo. Ĝi estas la hejmo de tri milionoj da artaĵoj. Tiom, ke nur malgranda procentaĵo viziteblas. La eksterordinara kolekto allogas milionojn da vizitantoj ĉiujare.

Sed la muzeo havas alian distingan trajton, ne menciitan en turismaj gvidlibroj. Armeeto el ĉirkaŭ 65 katoj protektas la artaĵojn kontraŭ ratoj kaj musoj.

La katoj de la Ermitaĵ estas tradicio tiel malnova kiel la muzeo mem. Ili unue aperis en 1745 post dekreto eldonita de Imperiestrino Elizabeto, filino de Petro la Granda. Ekde tiam, estiĝis daŭranta ama rilato inter la muzeo kaj ĝiaj defendistetoj. Figuroj de katoj aperas ĉie en muzeo, eĉ pentritaj sur la muroj.

Tri homoj laboras tie preskaŭ plentempe prizorgante la katojn. La kvarpiedajn gardistojn ili manĝigas, dorlotas, kaj traktas kiel reĝojn. Kaj kvankam ili ne vagas en la galerioj, la kelo estas ilia regno.

Irina Papavjec prizorgas la katojn ses horojn tage. Ŝi konas ĉiun el ili. Ŝi diras ke ili estas ne nur maskotoj, sed veraj dungitoj de la muzeo, kaj ke ili havas tre gravan rolon.

La muzeo ne vokas atenton al siaj spritaj ĉasantetoj. sed ili iom post iom iĝis ia simbolo kaj fonto de fiero. La Ermitaĵ’ nun bonvenigas senhejmajn katojn el la tuta urbo, ofertas al ili novan vivon, kaj prizorgas ilin per la kontribuoj de iliaj homaj kolegoj. Klaras ke la simbiozo inter la muzeo kaj ĝiaj katoj daŭros ankoraŭ longe.

Respondu

  • Via komento publikiĝos tuje, senkontrole. Bonvolu ne enmeti personajn informojn.
  • Malrespektaj aŭ insultaj komentoj povas esti forigitaj aŭ redaktitaj de administrantoj.
  • Komentoj afiŝataj ĉi tie venas nur de Tubaro kaj estas konservataj nur en Tubaro. Ili estas neniel sendataj al, aŭ ricevataj de la originala platformo de la filmo.

BariloAŭtoNiEstas