Inteligenta dentopasto prognozas veteron

Radio Verda publikigis antaŭ 2 monatoj

01:53 esperanta

La statistikoj pri la afiŝo (spektoj, ŝatoj, komentoj) venas de Tubaro mem. Ili neniel estas rilataj al tiuj de la originala platformo.

Via ŝato/malŝato por ĉi tiu afiŝo estas konservita nur en Tubaro. Ĝi neniel estas sendata al la originala platformo.

Raporti la filmon

Priskribo

RV177 (2011.01.09)

Inteligenta dentopasto prognozas veteron

Ĉu vi foje opinias ke via dentopasto iel ne kontentigas kiel parto de via matena rutino? Hm, eble ne. Sed la cerbeguloj ĉe universitato MIT [moito’] en Usono decidis doni al dentopasto la kapablon por ŝanĝi guston laŭ la vetero.

Eble vi aŭdis pri la monujo de MIT kiu dikiĝas kaj maldikiĝas proporcie laŭ via bankokonto. Ĝi kaj la dentopasto venis el projekto kiu celas doni al simplaj objektoj dinamikajn trajtojn por ebligi intuician komunikadon de simplaj kaj utilaj informoj.

La dentopasto nomiĝas “Gusto de Pluvo”. Komputileto en la pastujo kontrolas per interreto la hodiaŭan veterprognozon kaj miksas plurajn gustojn laŭ ĝi. Se pli varmos ol hieraŭ, oni ricevas pli da dentopasto cinama, kaj se pli malvarmos, doniĝas pli da menta. Blua strio signifas ke pluvos. Mi ne scias kio okazas se venos tornado.

Eble ŝajnas iom stulte, sed ni vivas en mondo de informa troŝarĝo, kaj per dentopasta dono de datumoj, oni ricevas utilajn ĉiutagajn informojn sen devi ŝalti televidilon aŭ aliri retejon. Nu, vi povus simple rigardi el fenestro, sed tio ne helpos purigi viajn dentojn, ĉu?

Respondu

  • Via komento publikiĝos tuje, senkontrole. Bonvolu ne enmeti personajn informojn.
  • Malrespektaj aŭ insultaj komentoj povas esti forigitaj aŭ redaktitaj de administrantoj.
  • Komentoj afiŝataj ĉi tie venas nur de Tubaro kaj estas konservataj nur en Tubaro. Ili estas neniel sendataj al, aŭ ricevataj de la originala platformo de la filmo.

maroakvofervojoleono