Urba arbaro provizos senpagan manĝaĵon

Radio Verda publikigis antaŭ 5 monatoj

01:49 esperanta

La statistikoj pri la afiŝo (spektoj, ŝatoj, komentoj) venas de Tubaro mem. Ili neniel estas rilataj al tiuj de la originala platformo.

Via ŝato/malŝato por ĉi tiu afiŝo estas konservita nur en Tubaro. Ĝi neniel estas sendata al la originala platformo.

Raporti la filmon

Priskribo

RV192 (2012.06.12)

Urba arbaro provizos senpagan manĝaĵon

Seatlo, Vaŝingtono, Usono planas preter la urba ĝardeno. Oficiale fondiĝis dediĉita urba terpeco de preskaŭ tri hektaroj kiu konvertiĝas en manĝarbaron. Ĝi produktos senpagan manĝaĵon por loĝantoj kaj vizitantoj de la urbo, kaj homaj kaj aliaj.

La celo de la projekto estas plani, planti kaj kreskigi manĝodonan urban arbaron kiu inspiras la komunumon kuniĝi, kreskigi la propran nutraĵon, kaj revivigi la lokan ekosistemon. La projekto estas la unua ĉi-speca en Usono. La arbaro fariĝos memstara kaj funkcios simile kiel en la naturo. Krei la memstaran medion dependas de specoj de grundo, insektoj kaj plantoj metataj laŭ planita strategio.

La manĝarbaro Beacon, kiu troviĝas en la kvartalo Beacon Hill, provizos diversajn fruktodonajn plantojn inkluzive arbojn por pomoj, piroj, persimonoj, kaŝtanoj kaj juglandoj, kaj berojn kiel mirteloj, vakcinioj kaj framboj.

Necesos pluraj jaroj por plene prilabori la terpecon, kiu troviĝas nur 4 kilometrojn de la urbocentro.

La arbaro ne nur havebligos senpagan manĝajon al iu ajn, sed ankaŭ provizos sanigajn fruktojn kaj nuksojn kiuj estas gravaj por ĉiuj sed povas esti tro kostaj por multaj.

Respondu

  • Via komento publikiĝos tuje, senkontrole. Bonvolu ne enmeti personajn informojn.
  • Malrespektaj aŭ insultaj komentoj povas esti forigitaj aŭ redaktitaj de administrantoj.
  • Komentoj afiŝataj ĉi tie venas nur de Tubaro kaj estas konservataj nur en Tubaro. Ili estas neniel sendataj al, aŭ ricevataj de la originala platformo de la filmo.

saltikurikuiriskribi