Kial Finnlando havas superajn lernejojn

Radio Verda publikigis antaŭ 2 monatoj

02:40 esperanta

La statistikoj pri la afiŝo (spektoj, ŝatoj, komentoj) venas de Tubaro mem. Ili neniel estas rilataj al tiuj de la originala platformo.

Via ŝato/malŝato por ĉi tiu afiŝo estas konservita nur en Tubaro. Ĝi neniel estas sendata al la originala platformo.

Raporti la filmon

Priskribo

RV178 (2011.02.07)

Kial Finnlando havas superajn lernejojn

Dum la lasta jardeko la publiklernejsistemon de Finnlando oni rangigas inter la plej bonaj en la mondo laŭ sukceso de studantoj, aparte inter okcidentaj demokratioj. Tre kleraj instruistoj, inventema individufokusa lernado kaj malcentrigita administrado ŝajnas ludi rolon.

En la internaciaj sondaĵoj pri lernejana sukceso efektivigitaj de la Organizo pri Ekonomiaj Kunlaboro kaj Disvolvado, Finnlando preskaŭ ĉiam restas en la supraj kvar rangoj en ĉiuj tri kategorioj: legado, matematiko kaj scienco.

Alia ne malpli grava testamento al sukceso de Finnlando estas kiel malmulte la poentoj variis inter ĝiaj diversaj lernejoj. La rezultoj de apartaj lernejoj estis la plej similaj inter la sistemoj studitaj.

Unu evidenta kialo por la finna sukceso estas la altaj normoj por kleriĝo de tieaj instruistoj. En Finnlando, magistra diplomo necesas por instrui je ĉiu ajn nivelo, eĉ en la bazlernejo

Alia distinga trajto de la finna sistemo estas la alta aŭtonomeco kiun havas la urbaj instancoj kaj lernejadministristroj. En Finnlando, lernejoj kaj kursoj estas organizitaj ĉefe laŭ la bezonoj kaj voloj de la koncerna specifa komunumo. Lernejo ricevas ĝeneralan subtenan sumon, kiun ĝi uzas laŭvole.

Kvankam daŭre proksime al la supro de internaciaj rangoj, finnaj studantoj pasigas la plej mallongan tempon en klasĉambroj kompare al aliaj OEKD-landoj. Finnaj lernejanoj inter 9- kaj 11-jaraj troviĝas en klasĉambro 640 horojn jare kompare al averaĝo de 810 horoj en aliaj landoj.

Kaj pli ol 95 procentoj da junuloj en Finnlando elektas plustudi je la universitata nivelo.

Dum multaj registaroj en la mondo luktas por provizi bazajn edukbezonojn, la lernejsistemo de Finnlando povas roli kiel alta sed inda celo.

Respondu

  • Via komento publikiĝos tuje, senkontrole. Bonvolu ne enmeti personajn informojn.
  • Malrespektaj aŭ insultaj komentoj povas esti forigitaj aŭ redaktitaj de administrantoj.
  • Komentoj afiŝataj ĉi tie venas nur de Tubaro kaj estas konservataj nur en Tubaro. Ili estas neniel sendataj al, aŭ ricevataj de la originala platformo de la filmo.

LeonoLupoElefantoAbelo