Programo avertas pariĝontojn pri parenceco

Radio Verda publikigis antaŭ 2 monatoj

02:35 esperanta

La statistikoj pri la afiŝo (spektoj, ŝatoj, komentoj) venas de Tubaro mem. Ili neniel estas rilataj al tiuj de la originala platformo.

Via ŝato/malŝato por ĉi tiu afiŝo estas konservita nur en Tubaro. Ĝi neniel estas sendata al la originala platformo.

Raporti la filmon

Priskribo

RV199 (2013.05.23)

Programo avertas pariĝontojn pri parenceco

Vi renkontas iun. Sentiĝas konekto. Poste venas la enkondukaj demandoj: Kiel vi nomiĝas? Ĉu vi venas ĉi tien ofte? Ĉu vi estas mia kuzo?

En Islando, lando kun nur 320 mil loĝantoj, preskaŭ ĉiuj estas iel parencaj. Tie, senscie renkonti kuzon estas vera risko.

Aperis nova poŝtelefonprogramo kiu helpas ke islandanoj evitu neintencan inceston. La programo funkcias per ke uzantoj kuntuŝu siajn aparatojn. Ĝi aŭdigas avertalarmon se la uzantoj proksime parencas.

Iuj laŭdas ĝin kiel tre bonvenan solvon por tre islanda formo de socia embaraso.

Ĉiuj islandanoj konas la rakonton pri ĉeesti familian eventon kaj renkonti iun kun kiu oni iam antaŭe amrilatis. Ne bonas ekscii ke tiu estas kuzo. Sonas amuze, sed la programo estas utila.

Tia programo efektivigeblas eble nur en Islando, kie la plejmulto da loĝantoj devenas de grupo da alvenintaj vikingoj de la naŭa jarcento, kaj kie reta datumbazo enhavas familihistoriajn detalojn de preskaŭ la tuta loĝantaro.

Ekzistas tradicia pasio pri genealogio en Islando, insulo kun aktivaj vulkanoj en la norda Atlantiko, kie apenaŭ loĝis homoj antaŭ la alveno de normanoj en la jaro 874. Iliaj posteuloj konstruis malgrandan, relative homogenan kaj, plej grave, bone organizitan landon. Ĝi estas la hejmo de la plej malnova parlamento en la mondo kaj emas konservi detalajn kaj kompletajn registrojn.

La datumbazo eldoniĝis en 1997. Kompilita de informoj el censoj, enskriboj de preĝejoj, familiaj arĥivoj kaj pluraj aliaj fontoj, ĝi pretendas havi informojn pri 95 procentoj el ĉiuj islandanoj kiuj vivis en la pasintaj 300 jaroj.

Respondu

  • Via komento publikiĝos tuje, senkontrole. Bonvolu ne enmeti personajn informojn.
  • Malrespektaj aŭ insultaj komentoj povas esti forigitaj aŭ redaktitaj de administrantoj.
  • Komentoj afiŝataj ĉi tie venas nur de Tubaro kaj estas konservataj nur en Tubaro. Ili estas neniel sendataj al, aŭ ricevataj de la originala platformo de la filmo.

Unudutrikvar