Portlando modelas por ilpruntejoj

Radio Verda publikigis antaŭ 7 monatoj

01:46 esperanta

La statistikoj pri la afiŝo (spektoj, ŝatoj, komentoj) venas de Tubaro mem. Ili neniel estas rilataj al tiuj de la originala platformo.

Via ŝato/malŝato por ĉi tiu afiŝo estas konservita nur en Tubaro. Ĝi neniel estas sendata al la originala platformo.

Raporti la filmon

Priskribo

RV173 (2010.10.11)

Portlando modelas por ilpruntejoj

Denove, sukceso en Portlando, Oregono, Usono. Ĝi nun estas la unua urbo kun tri ilpruntejoj. Por tiuj por kiuj la ideo novas, ilpruntejo estas kiel biblioteko por iloj: centra loko kiu senpage al siaj membroj disponigas la plej diversajn ilojn: borilojn, fosilojn, herbotondilojn, kaj similajn.

La ideo de ilpruntejo bonsencas pro diversaj kialoj. Ripari aŭ mem konstrui objektojn estas pli efike kaj ofte pli amuze ol aĉeti novan varon. Ilpruntejoj permesas al tiuj kiuj ne povas aĉeti altkostajn ilojn okupiĝi pri tiaj projektoj.
Ekzistas grandega kapacita malŝparo en la komuna provizo de iloj en iu kvartalo. Se kvartalo havas elektran borilon en ĉiu tria domo, sed ĉiu domanaro bezonas borilon nur unufoje en pluraj monatoj, temas pri tre malŝpara borpotenco. Sed se tuta kvartalo dividas unu-du borilojn, ĉiu borilo uziĝas pli ofte kaj la mondo ne dronas en superfluaj varoj.

Ĉiu el la ilpruntejoj de Portlando havas centojn da iloj kaj centojn da membroj. Ili funkcias dank’ al donacitaj tempo kaj mono.

Respondu

  • Via komento publikiĝos tuje, senkontrole. Bonvolu ne enmeti personajn informojn.
  • Malrespektaj aŭ insultaj komentoj povas esti forigitaj aŭ redaktitaj de administrantoj.
  • Komentoj afiŝataj ĉi tie venas nur de Tubaro kaj estas konservataj nur en Tubaro. Ili estas neniel sendataj al, aŭ ricevataj de la originala platformo de la filmo.

manojokulojpiedojoreloj