Tertrem-imuna tablo povus savi vivojn

Radio Verda publikigis antaŭ 12 tagoj

02:21 esperanta

La statistikoj pri la afiŝo (spektoj, ŝatoj, komentoj) venas de Tubaro mem. Ili neniel estas rilataj al tiuj de la originala platformo.

Via ŝato/malŝato por ĉi tiu afiŝo estas konservita nur en Tubaro. Ĝi neniel estas sendata al la originala platformo.

Raporti la filmon

Priskribo

RV194 (2012.10.02)

Tertrem-imuna tablo povus savi vivojn

Por travivi tertremon, estas pluraj rekomendoj. Unu el la plej oftaj ripetiĝas same al lernejanoj en Los-Anĝeleso kiel al aferistoj en Tokio. Simplas: kiam vi sentas tertremon, kaŭriĝu sub la plej proksima tablo.

Tio estas por protekti vian kapon kontraŭ falantaj pecoj de vitro aŭ plafono. Sed la realo estas ke tabloj kutime ne tre fortikas. Kaj en evoluantaj landoj, kie malmultekoste konstruitaj lernejoj kolapsemas, ŝirmi sin sub tablo ne multe helpos ĉiuokaze.

La tertremimuna tablo, konceptita de israelaj industriprojektistoj Arthur Brutter kaj Ido Bruno, realiĝis el fokuso pri vivsava potenco.

Ekzistantajn tablojn en klasĉambroj oni ne konstruas por tertremoj. Ili ofte iĝas mortigaj kaptiloj por rifuĝantoj.

La teamo kredas ke la nova tablo povus provizi sekuron al la 300 milionoj da lernejanoj kiuj loĝas en landoj minacataj de tertremoj. Ĝi sufiĉe malpezas ke infanoj povas movi ĝin, sed ĝi povas toleri baton de mil kilogramoj.

Planante la tablon, la teamo intervjuis lernejestrojn kaj krizistojn ĉirkaŭ la mondo. Ili parolis al spertuloj kiuj partoprenis en savmisioj post la lastatempaj tertremegoj en Turkio kaj Haitio. La celo estis elpensi malmultekostan manieron por amasprodukti la tablon sen oferi sekurecon.

Iliaj esploroj montras ke provizi klasĉambron per ĉi tiuj tabloj kostus dekoble malpli ol plifortigi la murojn, kaj kvincentoble malpli ol rekonstrui ĉambron aŭ lernejon laŭ normoj por tertremsekureco.

Nun la kunlaborantoj interparolas kun diversaj registaroj kaj internaciaj organizoj. La intenco estas ellabori kiel porti la novan teĥnologion en la lokojn kiuj bezonas ĝin.

Respondu

  • Via komento publikiĝos tuje, senkontrole. Bonvolu ne enmeti personajn informojn.
  • Malrespektaj aŭ insultaj komentoj povas esti forigitaj aŭ redaktitaj de administrantoj.
  • Komentoj afiŝataj ĉi tie venas nur de Tubaro kaj estas konservataj nur en Tubaro. Ili estas neniel sendataj al, aŭ ricevataj de la originala platformo de la filmo.

AŭtoAviadiloŜipoTrajno