La Liturgio de la Vorto — Palmodimanĉo, jaro B — 28.03.2021

La Liturgio de la Vorto publikigis antaŭ 2 monatoj

35:01 esperanta

La statistikoj pri la afiŝo (spektoj, ŝatoj, komentoj) venas de Tubaro mem. Ili neniel estas rilataj al tiuj de la originala platformo.

Via ŝato/malŝato por ĉi tiu afiŝo estas konservita nur en Tubaro. Ĝi neniel estas sendata al la originala platformo.

Raporti la filmon

Priskribo

La lasta dimanĉo de la Granda fasto havas du nomojn, kiuj montras la duoblan emocion de ties celebrado. Ĝi nomiĝas „la Palmodimanĉo”, ĉar hodiaŭ ni rememoras la triumfan eniron de la Sinjoro en Jerusalemon. Tial ni estu kiel la infanoj kun palmobranĉoj — ni gloru Jesuon kaj kun vera ĝojo en niaj koroj ni danku pro Lia alveno, sciante kio estas ĝia celo kaj signifo.

La hodiaŭa tago nomiĝas ankaŭ „la Dimanĉo de la Pasiono de la Sinjoro” kaj la kalendaro de la liturgiaj legaĵoj kontempligas nin per la rakonto de la savaj pasiono kaj morto de Jesuo. Ni preĝu, ke la sento de funebro purigu kaj konvertu niajn korojn, por ke ni estu pretaj partopreni en la Paskaj misteroj. 🙏

✠ ✠ ✠

En la Sanktan Semajnon enkonduku nin la moteto „O vos omnes”. Tiu ĉi respondo por la liturgioj de la Sankta Semajno tekstas jene: „Ho vi ĉiuj, kiuj preteriras la vojon, rigardu kaj vidu, * Ĉu ekzistas sufero simila al mia sufero. / Rigardu, ho ĉiuj popoloj, kaj rigardu mian suferadon: * Ĉu ekzistas sufero simila al mia sufero.” (kp. Lam 1:12, 18). La prezentata komponaĵo estas fare de Tomás Luis de Victoria (ĉ. 1548 – 1611) kaj registris ĝin la ensemblo „The Tallis Scholars”:

https://www.youtube.com/watch?v=JzYBAuNt4JQ

✠ ✠ ✠

0:00 ‣ Komenco
0:09 ‣ Enira antifono — kp. Joh 12, Psa 24
0:59 ‣ Krucosigno
1:06 ‣ Saluto
1:11 ‣ Komenca preĝo
1:23 ‣ Unua legaĵo — Jes 50
2:31 ‣ Psalmo — Psa 22
5:19 ‣ Dua legaĵo — Flp 2
6:27 ‣ Aklamo — Flp 2
7:29 ‣ Evangelio — Mar 14–15
29:43 ‣ Silento
30:12 ‣ Universala preĝo
31:52 ‣ Preĝo de la Sinjoro
33:56 ‣ Resuma preĝo
34:37 ‣ Beno
34:49 ‣ Fino

✠ ✠ ✠

Dankon
‣ al UECI, kiu provizis min per la dosiero de la Legaĵaro laŭ la eldono aprobita por la liturgia uzo,
‣ al la ekumena diserva libro „Adoru”, en kiu mi trovis plurajn formulojn de liturgiaj preĝoj,
‣ al mia eklezia hejmo — la dominikana preĝejo de s-ta Adalberto en Vroclavo, kie mi ekkonis la melodion de la responda psalmo,
‣ al Peter M. Kolar, surbaze de kies melodio de la aklamo el „Misa luna” mi registris la hodiaŭan kanton antaŭ la Evangelio,
‣ al la „Kristanaj fontoj”, kie troviĝas la traduko fare de pastro Albrecht Kronenberger de la Roma breviero, de kie mi prenis la Universalan preĝon por la dua vespro de la Palmodimanĉo.

„La eniro de Kristo en Jerusalemon” (ĉ. 1125), kiun vi vidis ĉe la komenco de la liturgio, estas murpentraĵo el la mozaraba ermitejo de sankta Baŭdilo de Berlango. Por sekure konservi ĝin, ĝi estas nun fiksita al kanvaso kaj troviĝas en la kolekto de la Indianopola Muzeo de Arto.

Respondu

  • Via komento publikiĝos tuje, senkontrole. Bonvolu ne enmeti personajn informojn.
  • Malrespektaj aŭ insultaj komentoj povas esti forigitaj aŭ redaktitaj de administrantoj.
  • Komentoj afiŝataj ĉi tie venas nur de Tubaro kaj estas konservataj nur en Tubaro. Ili estas neniel sendataj al, aŭ ricevataj de la originala platformo de la filmo.

ruĝabrunabluadomo