Heidi: la strabanta didelfo

Radio Verda publikigis antaŭ 5 monatoj

02:42 esperanta

La statistikoj pri la afiŝo (spektoj, ŝatoj, komentoj) venas de Tubaro mem. Ili neniel estas rilataj al tiuj de la originala platformo.

Via ŝato/malŝato por ĉi tiu afiŝo estas konservita nur en Tubaro. Ĝi neniel estas sendata al la originala platformo.

Raporti la filmon

Priskribo

RV178 (2011.02.07)

Heidi: la strabanta didelfo

Ellen skribis al ni pri la eta stelulino de la zoologia ĝardeno de Lepsiko, Germanio: la strabanta didelfo Heidi.

Heidi estis rimarkita de fotografoj dum raportaĵo. Ekde tiam la bildoj iras tra la medioj kaj renkontas grandan intereson.

Intertempe Heidi havas propran retpaĝon (www.opossum.xtra4music.de) kaj plurajn paĝojn ĉe Facebook kun entute preskaŭ tricent mil subtenantoj. Ekzistas Heidi-kanto, kaj la federacia lando Saksio, kie situas Lepsiko, dissendas Heidi-salutkartojn.

Ĉiuj estas entuziasmigitaj de Heidi.

Sed kiel fartas la eta didelfo mem?

En sia Facebook-paĝo ŝi skribas pri sia amrilata statuso: “Estas komplike kun Teddy.” Teddy estas la masklo, kiun ŝi dividas kun sia fratino Naira.

Eble pro ŝia subita fameco nun ankaŭ ekestas malfacilecoj kun Naira. Ĉar ankaŭ Naira strabas, sed, strange, neniu interesiĝas pri ŝi.

Kvazaŭ geedzaj problemoj kaj gefrataj rivalecoj ne sufiĉus, Heidi aldone devas observi dieton. Pli precize, ŝi devas observi dieton ekde kiam ŝi ekloĝis en Lepsiko ĉar la bestkuracistoj supozas, ke Heidi strabas, ĉar ŝi estas tro dika. Pro amasiĝo de graso malantaŭ la okuloj la okulgloboj estas iomete elpuŝitaj el la okulkavoj.

Heidi jam perdis kelkcent gramojn de sia korpopezo. Sed amasiĝo de graso malantaŭ la okuloj reduktiĝas ne antaŭ ol preskaŭ ĉiuj aliaj grasamasoj malaperas. Tial Heidi devos observi dieton ankoraŭ longe.

Sed en majo ŝi festos jam sian trian naskiĝtagon. Kaj didelfoj atingas nur aĝon de maksimume 4-5 jaroj.

Ĉu Heidi eble pli volonte restus strabanta, sed sata didelfo…?

Respondu

  • Via komento publikiĝos tuje, senkontrole. Bonvolu ne enmeti personajn informojn.
  • Malrespektaj aŭ insultaj komentoj povas esti forigitaj aŭ redaktitaj de administrantoj.
  • Komentoj afiŝataj ĉi tie venas nur de Tubaro kaj estas konservataj nur en Tubaro. Ili estas neniel sendataj al, aŭ ricevataj de la originala platformo de la filmo.

Unudutrikvar