1500 peruaj terpomspecoj konserviĝos

Radio Verda publikigis antaŭ 5 monatoj

02:44 esperanta

La statistikoj pri la afiŝo (spektoj, ŝatoj, komentoj) venas de Tubaro mem. Ili neniel estas rilataj al tiuj de la originala platformo.

Via ŝato/malŝato por ĉi tiu afiŝo estas konservita nur en Tubaro. Ĝi neniel estas sendata al la originala platformo.

Raporti la filmon

Priskribo

RV179 (2011.02.27)

1500 peruaj terpomspecoj konserviĝos

Peruo sendos 1500 specojn de terpomo al la Globa Semkonservejo en Svalbardo, Norvegio.

Verŝajne vi ne sciis ke ekzistas tiom da specoj sur la tuta planedo. Tamen, estas eĉ pli nur en Peruo. La 1500 endanĝerigitaj estas inter 4000 specoj en la lando.

Terpomoj estas la plej grava kultivaĵo krom grenoj. Oni tiel zorge atentas la daŭron de plej vasta vario de terpomoj ne nur pro la varia nutra valoro, sed ankaŭ pro kapablo travivi katastrofojn kiuj detruus plurajn specojn kaj malfacilegigus kultivadon en iuj regionoj.

Sciencistoj malkovris ke multaj peruaj terpomspecoj estas nun minacataj, do oni hastas kolekti kaj sendi ĉiujn al la globa konservejo.

La sendataj specimenoj venas de la terpomejo Kusko, kiu kovras 10 000 hektarojn kaj fondiĝis de ses indiĝenaj komunumoj por protekti biodiversecon kaj nutrosekurecon de la regiono.

La ĉefa danĝero por terpoma diverseco estas tervarmiĝo, kiu ŝangas pluvon en la regiono kaj minacas la povon de la terpomejo teni la kultivaĵojn laŭ ilia nuna stato.

Ĉi tiu klopodo, aldone al la svalbardaj kaj britaj, almenaŭ iom nervozigu pensanton. Ili montras ke okazas planado por la nutra subtenado de la homaro, kaj ke planistoj trovis bezonon por tiaj paŝoj.

Konservado de vivaĵoj de nia planedo nun okupas la pensojn de multaj homoj. Malmultaj konsideradis la demandon antaŭ la epoko de nukleaj armiloj. Sed nun ŝajnas ke nia fino venos eble ne pro subita decido pri la uzo de tiuj armiloj, sed pro la troa kaj misa uzado de ĉiutagaĵoj kiel karbo kaj petrolo, partoj de la rutinoj de preskaŭ ĉiu homo sur la planedo.

Respondu

  • Via komento publikiĝos tuje, senkontrole. Bonvolu ne enmeti personajn informojn.
  • Malrespektaj aŭ insultaj komentoj povas esti forigitaj aŭ redaktitaj de administrantoj.
  • Komentoj afiŝataj ĉi tie venas nur de Tubaro kaj estas konservataj nur en Tubaro. Ili estas neniel sendataj al, aŭ ricevataj de la originala platformo de la filmo.

kapopoŝtelefonokrurojfingroj