Pogromoj kontraŭ judoj, la estiĝo de Esperanto kaj la sorto de la familio Zamenhof
TEJO Esperanto publikigis antaŭ 5 jaroj en Esperanto Ĉu ne?
Neniu ĝenro specifite.
Proponu ĝenrojn
Ni ne povas montri ĉi tiun filmeton al vi, ĉar viaj agordoj pri kuketoj ne permesas tion al ni.
Por rigardi kaj re-agordi viajn kuketojn, vizitu la paĝon Kuketoj.
Vi povas daŭre spekti la filmeton ĉe la originala platformo:
Originala paĝo
Spekti filmon ĉe Tubaro ne ŝtelas la spekton de Jutubo. La spekto enkalkuliĝas en ambaŭ Tubaro kaj Jutubo. Mi komprenas.
- 6 Spektoj
- Komentu!
- 0
Via ŝato/malŝato, ankaŭ viaj ĝenro-proponoj por ĉi tiu afiŝo estas konservita nur en Tubaro, ili ne estas sendataj ekster niaj serviloj. Simile, la statistikoj pri la afiŝo (spektoj, ŝatoj, komentoj ktp), ankaŭ aliaj atribuoj, ekzemple ĝenroj, venas de Tubaro mem. Ili neniel estas rilataj al tiuj ĉe la originala platformo. Mi komprenas.
Viaj signaloj pri problemoj rilate ĉi tiun afiŝon estos sendataj nur al la administrantoj de Tubaro. Ĉi tiu funkcio neniel estas rilata al ebla simila eco ĉe la originala platformo de la filmo. Por raporti problemon al la administrantoj de la originala platformo, uzu la raportofunkcion ĉe tiu platformo. Mi komprenas.
Priskribo
Okaze de la Tago de la memoro pri la viktimoj de la holokaŭsto, ni publikigas la prelegon de Michael Vrazitulis “Pogromoj kontraŭ judoj, la estiĝo de Esperanto kaj la sorto de la familio Zamenhof” okazinta rete la 9-an de novembro 2020.
Antaŭ 82 jaroj, en la nokto de la 9a al la 10 de novembro 1938, la nazioj en Germanio detruis milojn da sinagogoj, judaj vendejoj kaj loĝejoj en la tuta lando. Nur dum tiu nokto, 400 judaj homoj estis murditaj, kaj 30.000 judaj viroj estis arestitaj kaj enkarcerigitaj en koncentrejoj. Tiu traŭmatiga sperto por la juda komunumo en Germanio finfine montriĝis nur preludo al la plej terura genocido en homa historio, la industria amasmurdado de pli ol 6.000.000 da judoj el tuta Eŭropo.
La ideologio, kiu instigis homojn al tiuj nekompreneblaj kaj nepardoneblaj agoj, estas antisemitismo. Indas konscii pri tio, kiel ĝi evoluiĝis el ĝin antaŭantaj formoj de diskriminacio kontraŭ judoj kaj kio ĝin distingas de aliaj formoj de kontraŭhoma malamo surbaze de supozataj rasaj kriterioj.
Ankaŭ gravas konsideri la fakton, ke pogromoj kontraŭ judoj jam antaŭ la barbaraĵoj de nazia Germanio havis longan tradicion en tuta Eŭropo. Ofte kaj facile forgeseblas, ke ankaŭ la juna, juddevena Ludwik Lejzer Zamenhof, tiam ankoraŭ kreonto de la internacia lingvo Esperanto, devis mem sperti la ondon de kontraŭjudaj pogromoj en la Rusa Imperio dum la 1880aj jaroj. Estis precipe tiu sperto de violenta diskriminacio, kiu motivigis lian ideologian evoluon unue al cionismo kaj poste al internaciismaj ideoj.
Eble L. L. Zamenhof konsidereblas bonŝanca pro tio, ke li ne plu povis ekscii, kia amara sorto trafos ĉiujn siajn tri gefilojn. Ni, hodiaŭ, ja scias. Ni respondecas pri tio, ke ni ne plu donu spacon al diskriminacio en niaj socioj; precipe en la nuna tempo, kiam ĉirkaŭ la mondo la kvanto de perfortaj agoj kontraŭ homoj pro antisemitismaj, rasismaj, seksismaj, homofobiaj k.a. motivoj zorgige kreskas.
La prelego estos dulingva esperante kaj angle. Temas pri kunlabora projekto inter TEJO kaj la Germana Esperanto-Junularo.