Korritmoj de ĥoranoj samiĝas
Radio Verda publikigis antaŭ 5 jaroj en Esperanto Ĉu ne?
Ni ne povas montri ĉi tiun filmeton al vi, ĉar viaj agordoj pri kuketoj ne permesas tion al ni.
Por rigardi kaj re-agordi viajn kuketojn, vizitu la paĝon Kuketoj.
Vi povas daŭre spekti la filmeton ĉe la originala platformo:
Originala paĝo
Spekti filmon ĉe Tubaro ne ŝtelas la spekton de Jutubo. La spekto enkalkuliĝas en ambaŭ Tubaro kaj Jutubo. Mi komprenas.
- 0 Spektoj
- Komentu!
- 0
Via ŝato/malŝato, ankaŭ viaj ĝenro-proponoj por ĉi tiu afiŝo estas konservita nur en Tubaro, ili ne estas sendataj ekster niaj serviloj. Simile, la statistikoj pri la afiŝo (spektoj, ŝatoj, komentoj ktp), ankaŭ aliaj atribuoj, ekzemple ĝenroj, venas de Tubaro mem. Ili neniel estas rilataj al tiuj ĉe la originala platformo. Mi komprenas.
Viaj signaloj pri problemoj rilate ĉi tiun afiŝon estos sendataj nur al la administrantoj de Tubaro. Ĉi tiu funkcio neniel estas rilata al ebla simila eco ĉe la originala platformo de la filmo. Por raporti problemon al la administrantoj de la originala platformo, uzu la raportofunkcion ĉe tiu platformo. Mi komprenas.
Priskribo
RV200 (2013.07.25)
Korritmoj de ĥoranoj samiĝas
La korritmoj de ĥoranoj samiĝas dum ili kantas. Tion asertas sciencistoj kiuj volas enketi la medicinan potencon de la fenomeno.
Esploristoj igis ke 15 sanaj junuloj kantu tri malsamajn ĥorajn ekzercojn dum mezuriĝis korritmo. Ili zumis unutone sen gvidado pri spirado. Ili kantis la svedan himnon “Härlig är Jorden” (“Ravas la tero”), kaj ĉantis malrapidan mantron spirante malrapide inter la versoj.
Antaŭ kaj post la kantotaskoj, la partoprenantoj silente legis emocie neŭtralan tekston.
La aŭtoroj de la nova raporto diras ke kunkantado de regulaj kantostrukturoj igas ke la koroj de la kantantoj plirapidiĝas kaj malplirapidiĝas samtempe.
La esploro emfazas la gravecon de la aŭtonoma nerva sistemo por percepti, produkti kaj komuniki muzikon.
La teamo suspektas ke kantado devigas trankvilan kaj regulan spiradon kiu influas variadon de korritmo.
En dua parto de la studo, la ritmojn de la koro kaj spirado de kvin aliaj partoprenantoj oni registris per pli altgradaj mezuriloj. Iliaj koroj emis ŝanĝi rapidon samtempe dum kantado de himno, kaj aparte de mantro.
Ni jam scias ke ĥora kantado samtempigas la muskolajn movojn kaj cerban agadon en grandaj partoj de la korpo. Nun ni scias ke tio validas ankaŭ por la koro.
Antaŭaj esploroj sugestis ke ankaŭ gvidata kaj joga spirado samtempigemas korojn kaj pozitive influas sangopremon.
