Al Virino / To a Woman – English & Esperanto Short Film

Alex Miller publikigis antaŭ 1 monato

04:30

  • 67
  • 19
  • 37

La statistikoj pri la afiŝo (spektoj, ŝatoj, komentoj) venas de Tubaro mem. Ili neniel estas rilataj al tiuj de la originala platformo.

Via ŝato/malŝato por ĉi tiu afiŝo estas konservita nur en Tubaro. Ĝi neniel estas sendata al la originala platformo.

Raporti la filmon

Priskribo

Kun iom da helpo, viro finfine lernas kiel paroli al virino. Ĉi tiu filmo estis verkita, reĝisorita, kaj muntita de Alekso MILLER kaj ĝi havas anglajn kaj Esperantajn subtitolojn.

Ĉu vi ĝuis la filmon? Ĉu ĝi helpis vin lerni Esperanton? La tuta skipo (aktoroj, kameraistoj, ktp) estis pagata por sia laboro el la monujo de la reĝisoro. Por sponsori kaj ebligi la venontajn filmetojn en ĉi tiu serio, donacu al unu el la jenaj adresoj kun la noto “Por Esperantujo.”

PayPal – PayPal.Me/alexmillerpaypal
Cash App – $thisisalexmiller
Venmo – @AlexMiller1887

Did you enjoy the film? Did it help you learn Esperanto? The whole cast and crew were paid for their work out of the director’s pocket. To sponsor and make possible the upcoming films in this series, donate to one of the above addresses with the note “Por Esperantujo.”

With a little help, a man finally learns how to talk to a woman. This film was written, directed, and edited by Alex Vaughn Miller and it has English and Esperanto subtitles.

A Twofold Film (in English and Esperanto)
Dufoje Farita Filmo (en la angla kaj Esperanto)

La unua filmeto en la serio / The first film in the series:
https://www.youtube.com/watch?v=RWb0jmMc-WE

La dua filmeto en la serio / The second film in the series:
https://www.youtube.com/watch?v=B6clxQ2I-hM

Komentoj (37)

  1. Tre ĉarme! Mi ŝatas ke ili sukcesis fari malsaman vortludon en la angla kaj Esperanto por la ŝerceto pri onklino-inklino :p

      • Plimalpli. Mi supozas ke ĝi devenas de “incel” involuntary celibe, el la angla. Malrespekta nomo por viroj kiuj ne seksumas sed ŝatus, kaj kulpas virinojn.

      • Incelo (el la angla incel) estas ĉiamvirga viro kiu ne kapablas trovi amorrilaton kun virino, ĝenerale pro sia socia mallerteco. Inceloj ofte (sed ne ĉiam) estas koleraj kontraŭ la socio kaj precipe kontraŭ virinoj, kiujn ili kulpigas pri ĉiuj siaj problemoj. Pro tio, multaj inceloj estas malfeministoj kaj defendas bumeran vidpunkton de la mondo. Tamen, kelkaj inceloj iĝas bajzuoj, kun la (vana) espero havi pli da sukceso kun progresemaj virinoj.

  2. Ĉu ŝi denove estas la sama virino kiel tiu en la rakontoj de la aliaj filmetoj de la serio? Eble ĉi tiu epizodo denove estas antaŭ la aliaj. Eble en posta epizodo oni malkovros ke ŝi estas rabisto kaj ŝi flirtas kun fidemaj viroj por gajni ilian fidon sed poste ŝtelas ĉiujn iliajn aferojn. Pro tio la homo en la unua epizodo diris ke li perdos pli restante kun ŝi. La jako estis jako kiun ŝi ŝtelis. Ankaŭ pro tio ŝi estis tiel malafabla en la dua epizodo post kiam ŝi jam gajnis la fidon de la viro. Kaj pro tio ŝi tiel strange daŭrigas la konversacion kun la viro en ĉi tiu epizodo kvankam li klare estas malagrabla homo.

    • Tio ne okazos krom se vi pagos aktorinon por fari tion. Se vi volas flirti, lernu sociajn kapablojn kaj iru al taŭgaj lokoj.

  3. Mi volis gratuli la aktorojn de la filmeto pro ilia elstara laboro, ĉar mi pensis ke ili estas esperantistoj. Sed laŭ tio kion mi nun legis, ŝajne ili estas profesiaj aktoroj pagitaj por fari ĉi tion. Tio forprenas iom de la magio.

        • Tiu sinteno de multaj esperantistoj ege ĝenas min. Kiu estas la problemo se oni pagis por krei altkvalitan rezulton? Ĉu Esperantaj projektoj nepre devas esti amatorecaj? Se vi estus malsana, ĉu vi postulus amatorecan kuraciston aŭ ĉu vi preferus profesiulon? Tiaj antaŭjuĝoj vere malutilas la Movadon kaj retenas ĝin malantaŭe. Malfermu viajn mensojn al la 21-a jarcento!

          • Se ilia elparolo estas bona, mi estas konvinkita.

            Mi pensas, tamen, ke la sinteno, kiun vi kontraŭas, temas pri idealismo por agi en Esperantujo, kaj ne nur por agi por la lingvo mem.

            Sed ambaŭ estas gravaj. Se vi konas aktorojn esperantistajn do fari la aferon kun ili laŭplaĉe, kaj se vi emas dungi aktorojn por montri kaj uzi la lingvon, faru tion. Ambaŭ ne ĉiam eblas, do ne vere temas pri ĉiama elekto.

    • Iam mi legis blogaĵon de samseksemulo. Li verŝajne sentis iom da “magiperdon” (uzante vian vorton) kiam li malkovris ke multaj el la pornaj gejaj aktoroj estis ne vere samseksemuloj, sed malseksemuloj kiuj ne sentis problemon por seksumi kun aliaj viroj.

      Estas aktoroj, kaj la grav afero estas la rezulto, ĉu ne?

      • Sed estas malĝojige pensi ke tiuj aktoroj eble fajfas pri Esperanto kaj nur interesiĝas pri dolaroj. Esperanto havas grandan emocian valoron por ni esperantistoj.

  4. Ŝia elparolo estas ege bona, do ŝi meritas ĉiun cendon kiun ŝi enspezis pro ĉi tiu laboro. Espereble ŝi interesiĝis pri Esperanto kaj iam decidos lerni ĝin. Mi tre ĝojus havi ŝin en iu Esperanta renkontiĝo!

  5. ‘Aktoro’ estas genroneŭtrala vorto. Ĝi povas aludi inon, iĉon aŭ ipon. Se oni volas aparte montri, ke temas pri viro, oni diru ‘aktoriĉo’.

    • ‘Oni diru’? Laŭ kiu? Laŭ vi? Ĉesu diri al esperantistoj kiel ili devas paroli. Vi ne rajtas altrudi neoficialajn sufiksojn.

        • Faru kion ajn vi volas, sed vi ne rajtas DEVIGI aliajn esperantistojn paroli per neoficialaĵojn. Ĉu vi ankaŭ postulos ke ni estu veganoj? Fek! Mi estas fiera viandmanĝanto. Aŭ viandmanĝantiĉo, kiel vi dirus.

          • Malŝtreĉiĝu, amiko. Neniu parolis pri veganismo. Neniu parolis pri devigi iun fari ion ajn. Unue trankviliĝu kaj poste revenu diskuti. Sed ne kredu je konspiracioj pri veganaj riistoj. Tiuj nur ekzistas en via fantazio.

          • Oni ridas, se jam riistoj diskutas kun kongresorganizantoj por malpermesi uzadon de aliaj pronomoj. Laŭ ili, uzi aliajn pronomojn temas pri “mikro-agresemo” kaj indas forpeli kulpulojn el IJK, SES, ktp.

    • Kiel oni jam klarigis antaŭe, ili estas profesiaj aktoroj dungitaj de la afiŝinto. Estus tre malĝojige se profesiaj aktoroj ne scius aktori.

      • Ĉiel ajn, ili faris bonan laboron. Ne estu maldankema kaj lernu laŭdi homojn kiam ili sukcese plenumas taskon. Fakte, tiu estas granda problemo en Esperantujo – ni nur kritikas kaj kritikadas, sed ni malofte subtenas aŭ aplaŭdas la klopodojn de niaj samideanoj. Eble Francisko pravis kiam li parolis pri talpoj en sia filmeto. Estas tro da esperantistoj kiuj ne kapablas pozitive reagi al la iniciatoj de aliaj. Ili nur kritikas kaj detruas.

  6. Mi ne komprenas tiom da polemiko pro la fakto ke la aktoroj estis dungitaj. Kiam vi iras al la kinejo, ĉu vi plendas ke la aktoroj de la filmo ricevis monon kontraŭ ilia laboro? Profesia laboro postulas monan pagon.

Respondu

  • Via komento publikiĝos tuje, senkontrole. Bonvolu ne enmeti personajn informojn.
  • Malrespektaj aŭ insultaj komentoj povas esti forigitaj aŭ redaktitaj de administrantoj.
  • Komentoj afiŝataj ĉi tie venas nur de Tubaro kaj estas konservataj nur en Tubaro. Ili estas neniel sendataj al, aŭ ricevataj de la originala platformo de la filmo.

AbelojElefantoHundoHipopotamo