Propono (Andreo Bach el Gdynia en Pollando)

joel do Ó publikigis antaŭ 7 monatoj

06:12 esperanta

Raporti la filmon

Priskribo

Pensema homo certe bone komprenas, ke ĉiu vorto posedas signifon kaj povon, depende de persono, situacio, loko kaj tempo, kiam ĝi estas uzata. Vorto portas bonon aŭ malbonon, ĝi apogas la homan vivon aŭ forprenas ĝin. Vortoj esprimas niajn intencojn, laŭ kiuj ni uzas ilin, tial anstataŭ vorto ni ofte parolas esprimo. Ankaŭ parto de teksto, kiu antaŭiras aŭ sekvas konkretan esprimon, donas al ĝi ĝian precizan signifon. Eltranĉi vorton el kunteksto estas manipulado, kiu kaŭzas misinformadon kaj miskomprenojn, rezulte de kio kreiĝas mensogoj, kiuj estas falsaj bildoj de la intencoj de la aŭtoro de koncernaj vortoj. Alia ekzemplo de malĝusta uzo de vortoj estas nova nocio t.n. lingvo de malamo.

Eŭropunio jam nun planis proksimume 2-miliardan buĝeton por la jaroj 2021-2027, por certigi leĝobservadon kaj forigi t.n. lingvon de malamo. Grandaj monsumoj atendas precipe grandajn eksterregistarajn organizaĵojn, kiuj anoncos la bezonon batali kontraŭ menciitaj problemoj. Kiam ne mankas monrimedoj, certe ne mankos ankaŭ problemoj por solvi. En Pollando, laŭ rekomendoj de EU-parlamento estis kreita leĝaro, kiu protektu nin kontraŭ tiu lingvo de malamo. Temas pri la paragrafo 256 K.K (Kodo Krima). Laŭ la leĝaro, kiu kalumnias aŭ agitadas por malamo pro alies nacieco, raso, etno aŭ religio, tiu submetiĝas al puno.

Oni povas esperi, ke EU tutcerte sukcesos en la batalado kun la lingvo de malamo. Eble ekestos speciala polico, novaj tribunaloj kaj plej veraŝajne specialaj hospitaloj por homoj, kiuj malsaniĝis je la malamo? Mi moketas, sed malgraŭ ke mi konscias pri la ekzisto de malamo inter homoj, mi estas ankaŭ certa, ke ne mankas homoj, kiuj kun granda volonteco akceptos la mision nuligi malamon – sendube unu el pli grandaj minacoj de la nuntempaj socioj. Intertempe oni povas rimarki malfacilaĵojn pri la realigado de la jam ekzistanta leĝaro en mia lando, kiu ofte ne estas preciza. Daŭras nur senfina disputado kaj reciproka kulpigado. Mi nur estas certa, ke punigenda estas minacado al alia persono. Tiukaze, ĉio por mi estas evidenta.

Intertempe en Usono, la 1-a Konstitucia leĝamendo tekstas: „Kongreso ne establos leĝojn (…) restriktantajn la liberecon de parolado aŭ gazetaro (…)” Laŭ tiu ĉi leĝamendo, oni allasas ĉiuspecajn eldirojn de la usonaj civitanoj. Laŭ mia scio la problemo pri la lingvo de malamo tie estas fenomeno flanka kaj marĝena – do ŝajnas al mi, ke pli bone estas doni maksimuman liberecon ol konstante ion malpermesi. La homa lingvo, la vortoj kiujn tiu uzas, atestas pri la posedo aŭ manko de kulturo kaj saĝeco. Anstataŭ senĉese batali per ĉiam pli novaj malpermesoj kaj punoj, mi proponus pli paroli pri la bono, kiu ja ĉiam ekzistis inter ni. Ĉu niaj ĵurnalistoj, kiuj tiel volonte flamigas niajn emociojn ĉirkaŭ la lingvo de malamo, ne kapablas trovi pli da ekzemploj de bona linvo, por instigi nin vivi pli agrable kaj bele? Mi proponas.

Respondu

Via komento publikiĝos tuje, senkontrole. Bonvolu ne enmeti personajn informojn.

LupoHundoLeonoĜirafo