La Liturgio de la Vorto — 1a Dimanĉo de Advento, jaro B — 29.11.2020

La Liturgio de la Vorto publikigis antaŭ 10 monatoj

12:06 esperanta

La statistikoj pri la afiŝo (spektoj, ŝatoj, komentoj) venas de Tubaro mem. Ili neniel estas rilataj al tiuj de la originala platformo.

Via ŝato/malŝato por ĉi tiu afiŝo estas konservita nur en Tubaro. Ĝi neniel estas sendata al la originala platformo.

Raporti la filmon

Priskribo

Hodiaŭ ni komencas Adventon. Tiu ĉi tempo servas por pretigi nin al la alveno de Jesuo — por ke la Filo de Dio, kiu antaŭ du jarmiloj enkarniĝis kaj naskiĝis en Betleĥemo, naskiĝu ankaŭ en niaj koroj kaj en niaj vivoj. Kune ni preĝu: Venu, Sinjoro, restu kun ni!

Mi ĝojas, ke vi travivas la ĉijaran Adventon kune kun la projekto „La Liturgio de la Vorto”. Se vi ne volas preteratenti la planitan riĉan programon, nepre abonu la kanalon ĉe Jutubo kaj sekvu la paĝon de la projekto ĉe Fejsbuko! 😊

✠ ✠ ✠

Muzike mi rekomendas hodiaŭ „Maranatha”, kiun kantas la ensemblo de la Dominikana Liturgia Centro. Komponis ĝin la Komunumo de la Beatecoj kaj al la pola lingvo adaptis ĝin Aleksander Piecuch kaj Jacek Gałuszka. La rekantaĵo tekstas „Maranatha! Venu, Sinjoro, venu! Jesuo, Maranatha!” kaj la strofoj sekvas la tekston de Apo 19:1–7.

https://www.youtube.com/watch?v=bnJV7xZlTII

✠ ✠ ✠

0:00 ‣ Komenco
0:09 ‣ Enira antifono — Psa 25
0:27 ‣ Krucosigno
0:34 ‣ Saluto
0:39 ‣ Komenca preĝo
0:46 ‣ Unua legaĵo — Jes 63–64
2:42 ‣ Psalmo — Psa 80
4:55 ‣ Dua legaĵo — 1 Kor 1
6:10 ‣ Aklamo — Psa 85
7:06 ‣ Evangelio — Mar 13
8:22 ‣ Silento
8:52 ‣ Universala preĝo
10:26 ‣ Preĝo de la Sinjoro
11:05 ‣ Resuma preĝo
11:38 ‣ Beno
11:55 ‣ Fino

✠ ✠ ✠

Dankon
‣ al UECI, kiu provizis min per la dosiero de la Legaĵaro laŭ la eldono aprobita por la liturgia uzo,
‣ al la ekumena diserva libro „Adoru”, en kiu mi trovis plurajn formulojn de liturgiaj preĝoj,
‣ al la liturgia kantolibro „Niepojęta Trójco”, de kie mi prenis la melodiojn de la psalmo (dominikana ĥorala tono I a, rekantaĵo de Robert Pożarski) kaj de la aklamo (de Dawid Kusz OP),
‣ al la „Kristanaj fontoj”, kie troviĝas la traduko fare de pastro Albrecht Kronenberger de la Roma breviero, de kie mi prenis la Universalan preĝon por la vespro de la 1a Dimanĉo de Advento.

La pentraĵo de la komenco de la liturgio estas „Sanktaj Paŭlo kaj Jesajo” (ĉ. 1500) fare de la Majstro de Palankino. Ĝi estas parto de la altaro en la preĝejo de sankta Margareta de Antioĥio en la hispana urbo Majorgo. Mi elektis la artaĵon rilate al la du sanktuloj, kies Skriboj akompanos nin dum Advento.

Respondu

  • Via komento publikiĝos tuje, senkontrole. Bonvolu ne enmeti personajn informojn.
  • Malrespektaj aŭ insultaj komentoj povas esti forigitaj aŭ redaktitaj de administrantoj.
  • Komentoj afiŝataj ĉi tie venas nur de Tubaro kaj estas konservataj nur en Tubaro. Ili estas neniel sendataj al, aŭ ricevataj de la originala platformo de la filmo.

krokodilofiŝodomoblua