La Liturgio de la Vorto — 2a Dimanĉo de Advento, jaro B — 6.11.2020

La Liturgio de la Vorto publikigis antaŭ 5 monatoj

11:47 esperanta

La statistikoj pri la afiŝo (spektoj, ŝatoj, komentoj) venas de Tubaro mem. Ili neniel estas rilataj al tiuj de la originala platformo.

Via ŝato/malŝato por ĉi tiu afiŝo estas konservita nur en Tubaro. Ĝi neniel estas sendata al la originala platformo.

Raporti la filmon

Priskribo

En la dua dimanĉo de Advento ni volas kontempli la rolon de sankta Johano la Baptisto, kiun anoncis profeto Jesaja, kiam li skribis: „Li estas voĉo de krianto en la dezerto: «Pretigu la vojojn de la Sinjoro, ebenigu Lian irejon!»”. Ni nepre obeu tiun ĉi admonon, por ke ni ĉiam estu pretaj ricevi nian Reĝon kiam Li venos.

Dankon al vi pro via partopreno! Se vi konas aliajn homojn, kiuj volus kunpreĝi, sendu al ili la ligilon. 🙂 Por ne preteratendi la venontajn registraĵojn kaj informojn, abonu la kanalon kaj sekvu la fejsbukan paĝon de la projekto. Dio benu!

✠ ✠ ✠

La muzika rekomendo por hodiaŭ estas „Conditor alme siderum” (Vi, kies verk’ — la univers’), breviera himno por la vesproj de Advento. La gregorian ĉanton aranĝis Tomás Luis de Victoria kaj en la registraĵo kantas la ensemblo „Plus Ultra”. La unua strofo de la himno estas „Vi, kies verk’ — la univers’, * de l’ Viaj Vi eterna lum’, * de ĉiuj, Kristo, Vi — Savant’: * Ni petas Vin, elaŭdu nin”.

https://www.youtube.com/watch?v=nSL-lGu2RZY

✠ ✠ ✠

0:00 ‣ Komenco
0:09 ‣ Enira antifono — kp. Jes 30
0:21 ‣ Krucosigno
0:27 ‣ Saluto
0:32 ‣ Komenca preĝo
0:39 ‣ Unua legaĵo — Jes 40
2:42 ‣ Psalmo — Psa 85
4:42 ‣ Dua legaĵo — 2 Pet 3
6:22 ‣ Aklamo — Luk 3
7:03 ‣ Evangelio — Mar 1
8:44 ‣ Silento
9:14 ‣ Universala preĝo
10:22 ‣ Preĝo de la Sinjoro
10:57 ‣ Resuma preĝo
11:20 ‣ Beno
11:35 ‣ Fino

✠ ✠ ✠

Dankon
‣ al UECI, kiu provizis min per la dosiero de la Legaĵaro laŭ la eldono aprobita por la liturgia uzo,
‣ al la ekumena diserva libro „Adoru”, en kiu mi trovis plurajn formulojn de liturgiaj preĝoj,
‣ al la liturgia kantolibro „Niepojęta Trójco”, de kie mi prenis la melodiojn de la psalmo (vol. 1, mel. β) kaj de la aklamo (de André Gouzes OP),
‣ al la „Kristanaj fontoj”, kie troviĝas la traduko fare de pastro Albrecht Kronenberger de la Roma breviero, de kie mi prenis la Universalan preĝon por la vespro de la 1a Dimanĉo de Advento.

Ĉe la komenco de la liturgio vi povis rigardi la pentraĵon „Sankta Johano la Antaŭiranto” (1859) fare de Dimityr de Sozopolo. Ĝi troviĝas en la preĝejo de sankta Zosimo en Sozopolo, en Bulgarujo.

Respondu

  • Via komento publikiĝos tuje, senkontrole. Bonvolu ne enmeti personajn informojn.
  • Malrespektaj aŭ insultaj komentoj povas esti forigitaj aŭ redaktitaj de administrantoj.
  • Komentoj afiŝataj ĉi tie venas nur de Tubaro kaj estas konservataj nur en Tubaro. Ili estas neniel sendataj al, aŭ ricevataj de la originala platformo de la filmo.

telefonobluaaŭtonubo