La Liturgio de la Vorto — 4a Dimanĉo de Advento, jaro B — 20.12.2020

La Liturgio de la Vorto publikigis antaŭ 7 monatoj

12:26 esperanta

La statistikoj pri la afiŝo (spektoj, ŝatoj, komentoj) venas de Tubaro mem. Ili neniel estas rilataj al tiuj de la originala platformo.

Via ŝato/malŝato por ĉi tiu afiŝo estas konservita nur en Tubaro. Ĝi neniel estas sendata al la originala platformo.

Raporti la filmon

Priskribo

„Rosu, ĉieloj, de supre, * kaj el vi, nuboj, venu la Justulo!” Pretiĝu por la Naskiĝo de la Sinjoro kune kun aliaj esperantistoj, partoprenante la Liturgion de la Vorto por la 4a dimanĉo de Advento. 😊 En nia lasta dimanĉa liturgio ni kontemplas la momenton kiam la ĉefanĝelo Gabrielo venis al la Virgulino Maria, por anonci al ŝi la ravan planon, kiun Dio havis por ŝi — venigi pere de ŝi al la mondo la Savanton kaj la Elaĉetanton! La beata Virgulino estu por ni la ekzemplo de senĉesa humileco antaŭ Dio kaj de perfekta obeemo al Li. 🙏

Mi preĝas intence de ĉiuj partoprenantoj de la Liturgio de la Vorto en esperanto. 💚 Dankon pro via ĉeesto kaj ĝis la ĵaŭda vespero, kiam ni povos kune celebri la liturgion por la Kristnaska nokto!

✠ ✠ ✠

La plej taŭga muzikaĵo por la 4a dimanĉo de Advento estas la gregoria ĉanto „Rorate cæli desuper” (Rosu, ĉieloj, de supre), laŭ la teksto de la enira antifono por hodiaŭa meso. Tial mi volas prezenti al vi ties belegan harmonigon en la estona, „Kastke taevad ülevalt”. La kantistoj estas la ensemblo „Linnamuusikud” (Urbaj muzikistoj):

https://www.youtube.com/watch?v=XaYqiCOXtP4

✠ ✠ ✠

0:00 ‣ Komenco
0:09 ‣ Enira antifono — kp. Jes 45
0:20 ‣ Krucosigno
0:26 ‣ Saluto
0:30 ‣ Komenca preĝo
0:37 ‣ Unua legaĵo — 2 Sam 7
3:07 ‣ Psalmo — Psa 89
5:14 ‣ Dua legaĵo — Rom 16
6:01 ‣ Aklamo — Luk 1
6:42 ‣ Evangelio — Luk 1
9:05 ‣ Silento
9:35 ‣ Universala preĝo
10:44 ‣ Preĝo de la Sinjoro
11:21 ‣ Resuma preĝo
11:58 ‣ Beno
12:15 ‣ Fino

✠ ✠ ✠

Dankon
‣ al UECI, kiu provizis min per la dosiero de la Legaĵaro laŭ la eldono aprobita por la liturgia uzo,
‣ al la ekumena diserva libro „Adoru”, en kiu mi trovis plurajn formulojn de liturgiaj preĝoj,
‣ al la liturgia kantolibro „Niepojęta Trójco”, de kie mi prenis la melodiojn de la psalmo (vol. 2, mel. E) kaj de la aklamo (de André Gouzes OP),
‣ al la „Kristanaj fontoj”, kie troviĝas la traduko fare de pastro Albrecht Kronenberger de la Roma breviero, de kie mi prenis la Universalan preĝon por la vespro de la 4a Dimanĉo de Advento.

La belega pentraĵo por la hodiaŭa liturgio estas „La Anonco” (1657) fare de Nicolas Poussin (1594–1665). Ĝi apartenas al la kolekto de la Nacia Galerio en Londono.

Respondu

  • Via komento publikiĝos tuje, senkontrole. Bonvolu ne enmeti personajn informojn.
  • Malrespektaj aŭ insultaj komentoj povas esti forigitaj aŭ redaktitaj de administrantoj.
  • Komentoj afiŝataj ĉi tie venas nur de Tubaro kaj estas konservataj nur en Tubaro. Ili estas neniel sendataj al, aŭ ricevataj de la originala platformo de la filmo.

BojMiaŭMuKvak